អឺរ៉ុប៖ សមាគមន៍ UEFA បានបញ្ជាក់ជាផ្លូវការថា សម្រាប់ព្រឹត្តិការណ៍ EURO 2024 ខាងមុខនេះ ក្រុមនីមួយៗអាចចុះឈ្មោះកីឡាករបានរហូតដល់ទៅ ២៦នាក់ ខណៈ កាលពីព្រឹត្តិការណ៍មុនៗអាចចុះឈ្មោះបានត្រឹមតែ ២៣នាក់ប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ព្រឹត្តិការណ៍ EURO 2024 កាន់តែកៀកជិតចូលមកដល់ហើយ ពោលនឹងចាប់ផ្តើមពីចន្លោះថ្ងៃទី ១៥ ខែមិថុនា រហូតដល់ថ្ងៃទី ១៥ ខែកក្កដា ពេញមួយខែ ខណៈ ក្រុមជម្រើសជាតិនីមួយៗនឹងចាប់ផ្តើមប្រកាសពីសមាសភាពកីឡាកររបស់ខ្លួននាចុងខែឧសភានេះ។
ក្នុងនោះផងដែរ ទាក់ទងនឹងបញ្ចីឈ្មោះកីឡាករ UEFA បានចេញសេចក្តីថ្លែងការដែលមានខ្លឹមសារយ៉ាងដូច្នេះថា៖
គណៈកម្មាធិការប្រតិបត្តិ UEFA បានសម្រេចបង្កើនទំហំក្រុមអតិបរមានៃក្រុមដែលចូលរួមក្នុង UEFA EURO 2024 នាពេលខាងមុខ ពីកូតាដើមពី ២៣ ទៅ ២៦ នាក់។ តាមបទប្បញ្ញត្តិនៃការប្រកួត ក្រុមត្រូវផ្តល់ឱ្យ UEFA នូវបញ្ជីឈ្មោះដែលមានកីឡាករយ៉ាងតិច ២៣ នាក់ និងខ្ពស់បំផុត ២៦ នាក់ ត្រឹមថ្ងៃផុតកំណត់ទី ៧ ខែមិថុនា៕
ប្រភព៖ metro
Bong I.T