ខ្មាសគេតិចអី! កីឡាករ Man UTD ម្នាក់ត្រូវគេចាប់បានថាប្រើប្រាស់បន្ទប់ទឹកមនុស្សស្រី

អង់គ្លេស ៖ ហេតុការណ៍គួរឲ្យអាម៉ាស់មួយបានកើតឡើងលើខ្សែបម្រើ Donny van de Beek របស់ក្លិបបិសាចក្រហម Manchester United បន្ទាប់ពីកីឡាកររូបនេះត្រូវគេចាប់បានថាប្រើប្រាស់បន្ទប់ទឹកសម្រាប់មនុស្សស្រីនៅឯកីឡដ្ឋាន Stamford Bridge កាល Man UTD ប្រកួតជាមួយតោខៀវ Chelsea កាលពីថ្ងៃអាទិត្យឈានចូលថ្ងៃច័ន្ទ។

ខ្សែបម្រើសញ្ជាតិហូឡង់រូបនេះត្រូវលោកគ្រូបង្វឹក Ole Gunnar Solskjaer ដាក់ឲ្យអង្គុយកៅអីបម្រុងប៉ុន្តែនៅកំឡុងតង់ទី១ នាទីទី ៣៥ គេស្រាប់តែកើតអាការៈឈឺពោះទាន់ហន់ទើបក្រោកទៅបន្ទប់ទឹកដើម្បីធ្វើធុរៈផ្ទាល់ខ្លួនប៉ុន្តែគេអានស្លាកសញ្ញាបន្ទប់ទឹកខុសភេទនិងជ្រុលចូលបន្ទប់ទឹកមនុស្សស្រី។

យ៉ាងណាមិញ គ្មានរឿងធំដុំណាមួយកើតឡើងនោះឡើយព្រោះទីនោះគ្មានមនុស្សស្រីចូលទៅប្រើប្រាស់នោះឡើយ

ទើប De Beek រួចផុតពីភាពអាម៉ាស់មួយនេះ។

Donny Van De Beek បង្ហាញខ្លួនឲ្យ Man UTD បានតែ១៣ប្រកួតប៉ុណ្ណោះនៅក្នុងក្របខណ្ឌ Premier League នៅរដូវកាលនេះដោយភាគច្រើនគេត្រូវគ្រូបង្វឹក Ole Gunnar Solskjaer ប្ដូរចូលខណៈដែលគេជាប់ជម្រើស១១នាក់ដំបូងតែក្នុងការប្រកួតពាន FA Cup ប៉ុណ្ណោះ។

កីឡាករវ័យ២៣ឆ្នាំរូបនេះផ្ទេរពីក្លិប AFC Ajax មកកាន់ទឹកដី Old Trafford កាលពីឆ្នាំ២០២០ប៉ុន្តែពិបាកនឹងរកនាទីចូលលេងណាស់ស្របពេលផ្ទុះពាក្យចចាមអារ៉ាមថាគេអាចនឹងចាកចេញពី Manchester United នៅរដូវក្ដៅខាងមុខ៕

ប្រភព៖ thesun