អង់គ្លេស៖ លោក Paul Ince ទទូចសុំឲ្យក្លិបបិសាចក្រហម Manchester United ចុះកុងត្រាយកខ្សែប្រយុទ្ធ Sergio Aguero ដោយគ្មានតម្លៃខ្លួនពីក្លិបគូប្រជែងរួមទឹកដី Manchester City នៅរដូវក្ដៅខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កុងត្រារបស់ Aguero ជាមួយ Manchester City នឹងអស់សុពុលភាពនៅចប់រដូវកាលនេះហើយ ខណៈដែលកីឡាករសញ្ជាតិអាហ្សង់ទីនរូបនេះនៅមិនទាន់បន្តកុងត្រាថ្មីជាមួយក្លិបនៅឡើយទេទើបលោក Ince គិតថាវាជាឱកាសល្អសម្រាប់ Manchester United ក្នុងការឆក់យករូបគេបើទោះបីជាក្លិបធំៗនៅអឺរ៉ុបដូចជា Barcelona និង Chelsea លេចឮដំណឹងថាចង់បាន Aguero ដែរក៏ដោយ។
Paul Ince ចង់ឲ្យ Man UTD ទិញយក Sergio Aguero បើសិនជាក្លិបមិនអាចទិញយកខ្សែប្រយុទ្ធ Harry Kane និង Erling Haaland ដោយលោកបានថ្លែងប្រាប់ Landbrokes ៖
កុំធ្វើដូច Harry Kane និង Erling Haaland ជាជម្រើសតែពីរយ៉ាងគត់របស់ Man UTD អី ខ្ញុំគិតថា Sergio Aguero អាចនឹងចាកចេញពី Man City អ៊ីចឹងហើយហេតុអី Man UTD មិនព្រមប្រជែងយករូបគេ? អ្នកអាចឃើញហើយថាគេចង់លេងនៅ Premier League ហើយគេក៏ស្នាក់នៅ ក្រុង Manchester ស្រាប់អ៊ីចឹងហើយខ្ញុំគិតថាវាមិនមែនជារឿងអាក្រក់ទេបើពួកគេចូលប្រជែងយក Aguero ។ វាអាចកើតឡើង អ្នកណាទៅដឹងទៅ?
គួរបញ្ជាក់ផងដែរថា ខ្សែប្រយុទ្ធ Sergio Aguero ផ្ទេរមក Manchester City ពីក្លិប Atletico Madrid តាំងពីឆ្នាំ២០១១ និងបានបង្ហាញខ្លួនចំនួន២៧១ លើក ដោយរកគ្រាប់បាល់បានដល់ទៅ១៨១គ្រាប់ បំបែកកំណត់ត្រាក្លាយជាកីឡាករដែលស៊ុតបញ្ចូលទីឲ្យក្លិបច្រើនជាងគេបង្អស់ផងដែរ៕
ប្រភព៖ metro
Bong I.T