បរទេស៖ កីឡាករ Kevin de Bruyne បានបង្ហើបឱ្យដឹងថា នៅពេលក្រុមធ្វើការប្រជុំពិភាក្សាមុនការប្រកួត អ្នកចាត់ការរបស់ក្រុម Manchester City លោក Pep Guardiola ជារឿយៗតែងតែភ្លេចជ្រើសរើសឈ្មោះកីឡាករ ១១ នាក់ដំបូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួរបញ្ជាក់ថា អ្នកចាត់ការសញ្ជាតិ អេស្ប៉ាញ បានជួយឱ្យ Man City ឈ្នះជើងឯក Premier League ចំនួន ៣ សម័យកាល ក្នុងចំណោម ៥ រដូវកាលដែលលោកផ្លាស់មកដឹកនាំក្រុម មេឃខៀវ ក្រោយចាកចេញពី Bayern Munich នៅឆ្នាំ ២០១៦។
ទាក់ទងនឹងរឿងខាងលើ De Bruyne បានលើកឡើងប្រាប់គេហទំព័រ MIDMID យ៉ាងដូច្នេះថា៖
ពួកយើងតែងតែប្រជុំគ្នាមុនការប្រកួត ហើយលោក Guardiola បានពន្យល់យើងពីនេះ ពីនោះ។ ក្រោយមកគាត់ក៏បាននិយាយថាតោះចេញដំណើរ។ ហើយក្រោយមកពួកយើងបាននិយាយថា៖ ហេ, Pep, តើនរណាដែលនឹងត្រូវចូលលេងខ្លះ? ពេលខ្លះគាត់បានភ្លេចពីរឿងនេះហើយ។ សម្រាប់គាត់ការឈ្នះគឺសំខាន់បំផុត។ ប៉ុន្តែទស្សនៈរបស់គាត់គឺសំខាន់ជាង៕
ប្រភព៖ The Sun
Bong I.T