អីយ៉ាស់! ភ្នាក់ងារ Haaland បង្ហើបប្រាប់ថា គេបានចុះកិច្ចព្រមព្រៀងជាមួយ ក្លិបយក្សអេស្ប៉ាញ មួយនេះហើយ

បរទេស៖ ភ្នាក់ងាររបស់ខ្សែប្រយុទ្ធវ័យក្មេង Erling Haaland លោក Mino Raiola បានបង្ហើបប្រាប់ថា លោកបានធ្វើកិច្ចព្រមព្រៀង ជាមួយក្លិប Barcelona អំពីការផ្ទេរគេទៅរួមក្រុមរួចហើយ។

ជាការពិតណាស់ Haaland​ ទំនងជាមិនបន្តស្នាក់នៅជាមួយក្លិប Borussia Dortmund ទៀតទេ នៅរដូវក្តៅខាងមុខនេះ។ លើសពីនេះទៅទៀត​ មានក្លិបយក្សជាច្រើននៅក្នុងទ្វីបអឺរ៉ុបកំពុងតាមប្រមាញ់រូបគេ រួមមានក្លិប Barcelona, Real Madrid,​ Manchester United,​ Manchester City, និង Chelsea ជាដើម។ គួរបញ្ចាក់ផងដែរថា តម្លៃផ្តាច់កុងត្រារបស់គេ គឺ ៦៤លានអឺរ៉ូ (ឬប្រមាណ ៧២លានដុល្លា)។

បើយោងទៅតាមសារកាសែត Deportes Cuatro បានចុះផ្សាយថា Haaland បានយល់ព្រមចូលរួមជាមួយក្លិប Barca ហើយ ក៏ប៉ុន្តែ​ លោក Raiola ក៏បានមានចុះកិច្ចព្រមព្រៀងមួយដែរ ជាមួយ Barca ហើយកិច្ចព្រមព្រៀងនោះគឺ ទាល់តែ Barca ប្រាកដថា មានលទ្ធភាពគ្រប់គ្រាន់ ១០០% ដើម្បីទិញផ្តាច់កុងត្រា របស់ Haaland បានសិន​ ទើបលោកឲ្យ Haaland ចុះកុងត្រាជាមួយ Barca ជាផ្លូវការ៕

ប្រភព៖ sportbible