អឺរ៉ុប៖ លោក Jerzy Dudek ដែលជាអតីតកីឡាករ Real Madrid បាននិយាយថាអតីតមិត្តរួមក្រុមរបស់លោកគឺ ខ្សែប្រយុទ្ធ Cristiano Ronaldo គឺជាមនុស្សអាត្មានិយមនិងគិតតែពីខ្លួនឯង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Dudek ក៏បានបន្ថែមទៀតថា Ronaldo សុខចិត្តឲ្យខ្លួនឯងស៊ុតចូលក្នុងការប្រកួត ១ ទល់នឹង០ ជាជាងក្រុមទាំងមូលឈ្នះគូប្រកួត ៥ ទល់នឹង០ ដោយខ្លួនឯងមិនបានស៊ុតបញ្ចូលទី។
យ៉ាងណាមិញ លោកក៏មានទស្សនៈវិជ្ជមានថានាពេលធម្មតា Ronaldo គឺជាមនុស្សធម្មតាម្នាក់ក៏ប៉ុន្តែលើទីលានវិញគឺគេមានចរិតខុសប្លែក។
លោក Jerzy Dudek បានថ្លែងថា៖
Raul ជាកីឡាករដែលពូកែឫកពា ប៉ុន្តែគេជាមនុស្សធម្មតាហើយ Cristiano ឯណោះវិញ គឺចូលចិត្តយកខ្លួនឯងជាចំណុចកណ្ដាល ប៉ុន្តែគេមានភាពស្រេកឃ្លានចង់ឈ្នះ។ ខ្ញុំច្បាស់ក្នុងចិត្តថាគេចង់ឲ្យខ្លួនឯងស៊ុតចូល១គ្រាប់បំបាក់គូប្រកួត ១ ទល់នឹង០ ជាជាង ឃើញមិត្តរួមក្រុមស៊ុតចូល ៥ ទល់នឹង០ ដោយខ្លួនឯងមិនបានស៊ុត។ តែនៅពីក្រោយឆាក គេក៏ជាមនុស្សធម្មតាម្នាក់ដែរ ប៉ុន្តែខ្ញុំយល់ថាពីខាងក្រៅគឺចរិតគេខុសប្លែកពីនេះ។
គួរបញ្ជាក់ផងដែរថា Cristiano Ronaldo បានក្លាយជាខ្សែប្រយុទ្ធដែលស៊ុតបញ្ចូលទីបានច្រើនបង្អស់ឲ្យក្លិប Real Madrid គឺ ដល់ទៅ៤៥០គ្រាប់ក្នុងការបង្ហាញខ្លួន២៣៨ប្រកួត៕
ប្រភព៖ sportskeeda
Bong I.T