បរទេស៖ អ្នកគាំទ្របានបញ្ចេញប្រត្តិកម្មដែល Alexis Sanchez មិនទទួលបានកាតក្រហម បន្ទាប់ពីស្លាយបើកបាតពេញមួយទំហឹងទៅលើខ្សែបម្រើ Thiago Alcantara របស់ Liverpool នៅក្នុងជំនួបវគ្គ ១៦ ក្រុមចុងក្រោយនៃពានរង្វាន់ Champions League។

ជាការពិតណាស់ នៅក្នុងជំនួបវគ្គ ១៦ ក្រុមជើងទី ២ នៃពានរង្វាន់ UCL កាលពីយប់មិញក្រុម Inter Milan បានចូលទៅបំបាក់ Liverpool ដល់ទឹកដី Anfield ក្នុងលទ្ធផល ១-០, ប៉ុន្តែទោះបីជាបរាជ័យនៅក្នុងការប្រកួតនេះក្តី ក៏ Liverpool នៅតែអាចឡើងទៅកាន់វគ្គ ៨ ក្រុមដែរ ដោយសារកាលពីជើងទី ១ កន្លងទៅពួកគេបានទទួលជ័យជម្នះក្នុងលទ្ធផល ២-០។

ប៉ុន្តែនៅក្នុងការប្រកួតនោះផងដែរបានមានរឿងចម្រូងចម្រាស់មួយ បន្ទាប់ពី Sanchez មានការស្លាយបើកបាតទៅលើ Thiago ប៉ុន្តែចុងក្រោយលោកអជ្ញាកណ្តាលមិនបានផ្តល់កាតក្រហមឱ្យទេ ដោយពេលនោះរូបគេទទួលបានត្រឹមកាតលឿងប៉ុណ្ណោះ។ ទោះបីរួចផុតនៅត្រង់ចំណុចនេះ ប៉ុន្តែចុងក្រោយខ្សែប្រយុទ្ធរបស់ Inter នៅតែទទួលបានកាតក្រហម បន្ទាប់ពីទទួលបានកាតលឿងជាលើកទី ២ ក្រោយពេលបង្ករកំហុសម្តងទៀតទៅលើ Fabinho។

យ៉ាងណាមិញ មានអ្នកគាំទ្រជាច្រើនបានបង្ហាញការមិនពេញចិត្តដែល Sanchez មិនបានទទួលបានកាតក្រហមតាំងពីបង្ករកំហុសទៅលើ Thiago, ក្នុងនោះពួកគេបានបញ្ចេញទស្សនៈនៅលើបណ្តាញសង្គមយ៉ាងដូច្នេះថា៖

សូមទស្សនាវីដេអូខាងក្រោម៖

ប្រភព៖ Sportbible