អង់គ្លេស៖ ខ្សែប្រយុទ្ធឆ្នើម Cristiano Ronaldo ប្រចាំក្លិប Manchester United បានបង្ហោះសារអបអរដល់ខ្លួនឯងដែលបានក្លាយទៅជាកីឡាករដែលស៊ុតបញ្ចូលទីបានច្រើនជាងគេបំផុតបើគិតពីការលេងនៅក្លិប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិព័រទុយកាល់រូបនេះរកបាន Hat-Trick ក្នុងការប្រកួតទល់នឹងក្លិប Tottenham Hotspur កាលពីយប់ថ្ងៃទី១៣ខែមីនាកន្លងទៅ។
៣គ្រាប់នេះបានធ្វើឲ្យ Ronaldo ស៊ុតបញ្ចូលទីបានសរុបគឺ ៨០៧គ្រាប់ ដែលវ៉ាដាច់លោក Romario ដែលរកបាន ៧៧២គ្រាប់ និងលោក Josef Bican ។យោងតាមកំណត់ត្រារបស់ FIFA គឺលោក Bican ជាកីឡាករដែលធ្លាប់ស៊ុតបញ្ចូលទីបានច្រើនបំផុតគឺ ៨០៥គ្រាប់ ចាប់ពីឆ្នាំ១៩៣១ ដល់ ១៩៥៥។
ដោយឡែក Ronaldo បានបង្ហោះសារមួយថា៖
ពិតជាមោទកភាពណាស់ដែលបានយកឈ្នះការប្រកួតប្រជែងមួយទៀតគឺក្លាយជាអ្នកស៊ុតបញ្ចូលទីច្រើនបំផុតនៅក្លិបបាល់ទាត់ គឺចំណាយពេលតែ៦ខែប៉ុណ្ណោះបន្ទាប់ពីក្លាយជាកីឡាករដែលស៊ុតបញ្ចូលទីនៅជម្រើសជាតិបានច្រើនជាងគេ។ ខ្ញុំគ្មានអ្វីក្រៅពីការគោរពដល់ Romario ដែលជាខ្សែប្រយុទ្ធឆ្នើមបំផុតមួយរូបក្នុងលោក។ អរគុណដល់កីឡាករទាំងអស់ ដែលខ្ញុំបានឆ្លងកាត់ក្នុងអាជីព។ អរគុណដល់ក្លិបទាំងអស់ ដែលខ្ញុំធ្លាប់លេង។ អរគុណដល់អ្នកគាំទ្រ ហើយអ្វីដែលសំខាន់បំផុតគឺអរគុណដល់គ្រួសារដ៏អស្ចារ្យរបស់ខ្ញុំ។ ខ្ញុំមិនអាចធ្វើវាបានទេបើសិនគ្មានអ្នក។
ប្រភព៖ sportskeeda
Bong I.T