វាត្រូវតែមានការផ្លាស់ប្ដូរកើតឡើងនៅ Manchester United បើទោះបីជាមានន័យថាកីឡាករដូច Cristiano Ronaldo ត្រូវតែចាកចេញក៏ដោយ។ អ្នកមិនអាចសង្ស័យនឹងគុណភាពរបស់ Ronaldo បានទេតែគេមានអាយុ៣៧ឆ្នាំហើយ បើទោះជាស៊ុតបញ្ចូលទីបានក៏ United នៅតែមិនមានស្ថេរភាពជាក្រុមមួយ។ ពួកគេពឹងផ្អែកលើភាពខ្លាំងរបស់ Ronaldo ដែលក្នុងការប្រកួតខ្លះគឺវាទៅរួចតែក្នុងការប្រកួតធំៗជាមួយក្រុមគីឡូធ្ងន់នៅ Premier League និង Champions League គឺវាមិនអាច។ United ត្រូវការកីឡាករដែលមានសមត្ថភាពលំដាប់ថ្នាក់ពិភពលោកនិងកាយសម្បទាមាំមួនដើម្បីចូលប្រកួតហើយនោះគឺមិនអាចពឹងលើ Ronaldo បានទេ។ ការលក់គេចេញអាចនឹងពិបាកសម្រាប់អ្នកគាំទ្រ United ។ គេជាវីរបុរស ប៉ុន្តែយើងនៅតែមិនអាចបដិសេធបានថាការធ្វើបែបនេះវាល្អសម្រាប់អនាគតរបស់ក្រុម។ វាអាចនឹងមានការផ្លាស់ប្ដូរបើសិន Ronaldo អាចទទួលយករឿងដែលថាគេពុំអាចចូលលេងបានរាល់សប្តាហ៍ ប៉ុន្តែវាមិនអាចកើតឡើងបានទេ។ គេមិនចង់លេងជាកីឡាករជម្រើសទី២ទេ។ បើសិនអ្នកចាត់ការថ្មីចង់បាន Harry Kane គឺខ្ញុំមិនច្បាស់ទេថា Ronaldo ចង់ធ្វើជាតួរងឬអត់។ Ronaldo គឺជាកីឡាករអស្ចារ្យគ្រប់ពេលវេលាប៉ុន្តែគេមិនអាចដោះស្រាយបញ្ហារបស់ United បានឡើយ។ ពួកគេត្រូវការអ្នកចាត់ការកំពូលដែលអាចកសាងក្រុមបាន បើទោះជាមានន័យថាត្រូវដោះលែងឲ្យវីរបុរសពួកគេចាកចេញក៏ដោយ។