ស្អាតអត់? បែកធ្លាយឯកសណ្ឋានក្នុងដីរបស់ Man UTD រដូវកាលក្រោយប្លែកជាងអាវមុនៗ

អង់គ្លេស៖ ស្របពេលរដូវកាល ២០២២-២០២៣ កាន់តែជិតឈានចូលមកដល់នោះ គេបានប្រទះឃើញថាឯកសណ្ឋានក្នុងដីរបស់ក្រុមបិសាចក្រហម Manchester United បានបែកធ្លាយនៅលើបណ្ដាញអ៊ីនធើណេត។​

ឯកសណ្ឋានរបស់ Man UTD រដូវកាលថ្មីនេះនៅតែមានពណ៌ក្រហមដដែល គ្រាន់តែអ្វីដែលប្លែកនោះគឺ ត្រង់.ក.អាវមានពណ៌សឆ្នូតក្រហម។​

ចំណែកឯនៅលើស្មាវិញគឺមានឆ្នូតបីពណ៌ខ្មៅសម្គាល់ឲ្យក្រុមហ៊ុន Adidas ដែលសហការឧបត្ថម្ភ ប៉ុន្តែនៅលើផ្ទៃអាវពាក់កណ្ដាលផ្នែកខាងមុខមានខ្សែឆ្នូតពណ៌.ស.ដែលមើលមិនសូវឃើញចំនួន១៦ឆ្នូតផងដែរខណៈ TeamViewer នៅតែបន្តក្លាយជាម្ចាស់ឧបត្ថម្ភធំនៅខាងមុខផ្ទៃអាវដដែល។​

ឈុតនេះនឹងភ្ជាប់មកជាមួយខោពណ៌ ស និងស្រោមជើងពណ៌ខ្មៅផងដែរ៕

ប្រភព៖ sportskeeda