អេស្ប៉ាញ៖ អតីតប្រធានក្រុមជម្រើសជាតិអេស្ប៉ាញ និង Barcelona គឺ Carles Puyol បាននិយាយថា ក្រុមមាន់គកបារាំង អាចនឹងឈ្នះ បាល់ទាត់ពិភពលោកឆ្នាំ២០២២ នេះម្ដងទៀតបន្ទាប់ពីឈ្នះពាននេះនៅឆ្នាំ២០១៨។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាកររបស់ក្រុមជម្រើសជាតិបារាំងគឺសុទ្ធតែមានសមត្ថភាពសូម្បីកីឡាករក្មេងៗដែលទើបនឹងត្រូវកោះហៅដូចជា Aurelien Tchouameni, Christopher Nkunku និង Eduardo Camavinga ជាដើម។
ម្យ៉ាងទៀត Karim Benzema, Kylian Mbappe, N'Golo Kante, Antoine Griezmann និង Paul Pogba ក៏ជាកីឡាករឆ្នើមជួរមុខក្នុងពិភពលោកផងដែរដោយ Benzema ជាអ្នកស៊ុតបញ្ចូលទីបានច្រើនជាងគេបង្អស់នៅរដូវកាលមុននៅ La Liga ខណៈ Mbappe ជាអ្នកស៊ុតបញ្ចូលទីបានច្រើនបង្អស់នៅរដូវកាលមុននៅក្របខណ្ឌ Ligue 1 ។
ដូច្នេះហើយទើបលោក Carlese Puyol បាននិយាយថា៖
សម្រាប់ខ្ញុំ ក្រុមដែលមានឱកាសឈ្នះខ្ពស់ជាងគេគឺបារាំង ព្រោះពួកគេមានកីឡាករច្រើនសំបូរដោយទេពកោសល្យ។ ពួកគេជាក្រុមដែលមានការប្រកួតប្រជែងខ្ពស់ និងធ្លាប់បានក្លាយជាជើងឯករួចមកហើយទើបពួកគេដឹងច្បាស់ពីការប្រកួតប្រជែងមួយនេះ។បន្ទាប់មកក៏មានក្រុមផ្សេងដូចជា អេស្ប៉ាញ ដែលខ្ញុំគិតថាមានតំណែងល្អ ប៉ុន្តែខ្ញុំមិនគិតថាពួកគេមានឱកាសឈ្នះខ្ពស់ក៏ដោយសារពួកគេមិនទាន់អាចទទួលរងសម្ពាធខ្ពស់បានទេព្រោះមានកីឡាករក្មេងៗច្រើន តែក៏មានគុណភាពដែរ តែពួកគេត្រូវការអ្នកដែលអាចទប់ទល់នឹងសម្ពោធព្រមទាំងមានបទពិសោធន៍ច្រើនដែលអាចជួយបាន។
គួរបញ្ជាក់ផងដែរថា បារាំង បានលើកពាន បាល់ទាត់ពិភពលោកឆ្នាំ ២០១៨ បន្ទាប់ពីបានយកឈ្នះ ក្រូអាត ៤ ទល់នឹង២ នៅឯប្រទេសរុស្ស៊ី៕
ប្រភព៖ sportskeeda
Bong I.T