ផ្លូវការ! ខ្សែប្រយុទ្ធ Chelsea រូបនេះបានផ្លាស់ទៅចូលរួមជាមួយ AC Milan ហើយ

បរទេស៖ ខ្សែប្រយុទ្ធស្លាបរបស់ Chelsea កីឡាករ Christian Pulisic បានផ្លាស់ទៅចូលរួមជាមួយក្លិប AC Milan នៃលីគ Serie A របស់ អ៊ីតាលី ជាផ្លូវការហើយ។

កាលពីយប់ថ្ងៃទី ១៣ ខែ កក្កដា ឆ្នាំ ២០២៣ ម្សិលមិញនេះ ក្លិប AC Milan បានប្រកាសជាផ្លូវការអំពីការមកដល់របស់ខ្សែប្រយុទ្ធសញ្ជាតិ អាមេរិក វ័យ ២៤ ឆ្នាំ រូបនេះ។

គួរបញ្ជាក់ថា Pulisic ត្រូវបាន AC Milan ទិញផ្តាច់កុងត្រាពី Chelsea ក្នុងតម្លៃ ២០ លានអឺរ៉ូ ឬប្រមាណជា ២២ លានដុល្លារអាមេរិក អមជាមួយកុងត្រារយៈពេល ៤ ឆ្នាំ ពោលគឺដល់ខែ មិថុនា ឆ្នាំ ២០២៧៕