Haaland បានសរសើរពីគុណភាពពិសេសមួយនេះរបស់ Ronaldo ដែលធ្វើឱ្យខ្លួនស្ញប់ស្ញែងបំផុត

//s9.kh1.co/d8/d8dd5d7e369f5451331d5929595f55e5eb134238.jpg
បាល់ទាត់

 ១៨-វិច្ឆិកា-២០២៣ ១១ព្រឹក · ៧ ខែមុន

Haaland បានសរសើរពីគុណភាពពិសេសមួយនេះរបស់ Ronaldo ដែលធ្វើឱ្យខ្លួនស្ញប់ស្ញែងបំផុត

បរទេស៖ ខ្សែប្រយុទ្ធរបស់ក្រុមមេឃខៀវ Manchester City កីឡាករ Erling Haaland ថ្មីៗនេះបានបង្ហាញការកោតសរសើរមិនដាច់ពីមាត់ទៅលើ Cristiano Ronaldo អពីសមត្ថភាពដ៏ពិសេសរបស់គាត់ ដែលមិនងាយនឹងមានកីឡាករផ្សេងអាចធ្វើដូចបាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
https://s9.kh1.co/__image/w=650,h=410,q=100/a5/a5713013bef219071aafb1a0de10a73044554b0a.png

ជាការពិតណាស់ ក្រៅអំពីសមត្ថភាពដ៏អស្ចារ្យក្នុងការញាក់បាល់ Ronaldo នៅមានសមត្ថភាពពិសេសផ្សេងទៀតតាមរយៈការស៊ុតបញ្ចូលទី ដោយការប្រើជើងទាំង ២ និងការប្រើក្បាលជាដើម។

ដោយសារតែសមត្ថភាពដ៏លេចធ្លោរបែបនេះ ធ្វើឱ្យ Haaland ស្ញប់ស្ញែងជាខ្លាំងទៅលើ Ronaldo ហើយថ្មីៗនេះរូបគេបានថ្លែងពីខ្សែប្រយុទ្ធរបស់ ព័រទុយហ្គាល់ យ៉ាងដូច្នេះថា៖

ខ្ញុំចាំថា ខ្ញុំតែងតែទស្សនាការប្រកួតរបស់ Cristiano Ronaldo។ ការផ្លាស់ប្តូរចលនានៅក្នុងប្រអប់ គាត់បានផ្លាស់ប្តូរចលនា ២ ឬ ៣ ដងជាមុនសិន មុនពេលគាត់ធ្វើការប្រយុទ្ធនៅតំបន់ទូលាយ តាមអ្វីដែលគាត់ដែលចង់ធ្វើ។

កីឡាករ Erling Haaland 

Haaland បានបន្ថែមទៀតថា៖ 

របៀបដែលគាត់ផ្លាស់ប្តូរ ហើយនិងរបៀបដែលគាត់គ្រប់គ្រង គឺធ្វើឱ្យការប្រកួតរបស់គាត់កាន់តែទៅមុខ។ អ្នកចាំទេ នៅពេលគាត់លេងនៅ Manchester United និងនៅ Real Madrid ឆ្នាំដំបូង គាត់បានក្លាយជាខ្សែប្រយុទ្ធដែលរកគ្រាប់បានដ៏ច្រើនម្នាក់នៅ Real Madrid។ វាគឺអស្ចារ្យណាស់សម្រាប់គាត់។ គាត់នៅតែអាចរកគ្រាប់បាល់បាន ទោះបីជាពេលខ្លះស្ថានភាពនៅក្នុងប្រអប់ស្ថិតនៅក្នុងកន្លែងចង្អៀត ហើយមានការតាមកៀបពីខ្សែការពារក៏ដោយ។

កីឡាករ Erling Haaland 
https://s9.kh1.co/__image/w=650,h=434,q=100/84/8433541ff14df3b6644200df7f60342a6a28001c.png

ប្រភពSportskeeda

Sem Kosal
K.S

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T