បរទេស៖ ក្លិបបិសាចក្រហម Manchester United ត្រូវបានគេរាយការណ៍ថា នឹងបើកទ្វាឱ្យ Jadon Sancho ចាកចេញពីទឹកដី Old Trafford ភ្លាម បើមានក្លិបណាហ៊ានឱ្យតម្លៃខ្សែប្រយុទ្ធ អង់គ្លេស រូបនេះដល់ ៤០ ទៅ ៥០ លានផោន ឬប្រមាណជា (៥០ ទៅ ៦០ លានដុល្លារអាមេរិក)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![Jadon Sancho ](https://s9.kh1.co/__image/w=650,h=366,q=100/d8/d839b8afcaa5a3c8f90554361f4f99b9e6be545b.png)
ជាការពិតណាស់ កាលពីទីផ្សារដោះដូរកីឡាករខែ មករា កន្លងទៅ Sancho បានត្រឡប់ទៅកាន់អតីតក្លិបចាស់ Borussia Dortmund វិញក្នុងលក្ខខណ្ឌខ្ចីជើង បន្ទាប់ពីគាត់មានទំនាក់ទំនងមិនល្អជាមួយអ្នកចាត់ការបច្ចុប្បន្នលោក Erik ten Hag។
![Jadon Sancho និងលោក Ten Hag](https://s9.kh1.co/__image/w=650,h=366,q=100/1c/1ca867326075f245ce16ecbfdbbbbb2dca071bf2.png)
យោងតាមការចុះផ្សាយដោយកាសែត Football Insider បានឱ្យដឹងថា ដ្បិត Sancho ការត្រឡប់ទៅ Dortmund វិញកំពុងធ្វើបានល្អក៏ដោយ ដោយ ៣ ប្រកួតនៅក្នុងលីគ Bundesliga កន្លងមក រូបគេរកបាន ២ assist ក៏ក្លិបយក្ស អាល្លឺម៉ង់ មិនមានឆន្ទៈនឹងចុះកុងត្រាយករូបគេជាអចិន្ត្រៃយ៍មកវិញដែរ។
ប៉ុន្តែទោះបីជាយ៉ាងណាក៏ដោយ ប្រភពដដែលបានបន្ថែមថា Man UTD នឹងតែមានបំណងចង់លក់ Sancho ចេញ ហើយពួកគេបានទាមទារតម្លៃផ្ទេរចន្លោះពី ៤០ ទៅ ៥០ លានផោន ឬប្រមាណជា (៥០ ទៅ ៦០ លានដុល្លារអាមេរិក) ប្រសិនបើមានក្លិបណាមួយចង់បាន។
![Jadon Sancho ](https://s9.kh1.co/__image/w=650,h=366,q=100/02/0286c3789d89a3dd8ca1762f486240c1aade5a22.png)
ប្រភព៖ Sportskeeda