ក្តៅៗ! អតីតខ្សែប្រយុទ្ធ Man UTD រូបនេះ បានសម្រេចកិច្ចព្រមព្រៀងផ្លាស់ទៅក្លិប Seoul FC របស់កូរ៉េខាងត្បូងហើយ

បរទេស៖ ខ្សែប្រយុទ្ធ Jesse Lingard ដែលជាអតីតខ្សែប្រយុទ្ធរបស់ក្រុមបិសាចក្រហម Manchester United ត្រូវបានគេរាយការណ៍ថា បានសម្រេចកិច្ចព្រមព្រៀងផ្លាស់ទៅកាន់ក្លិប Seoul FC នៃលីគ K League1 របស់កូរ៉េខាងត្បូងហើយ។

យោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា Lingard នឹងបញ្ចប់ការត្រួតពិនិត្យសុខភាពនៅថ្ងៃនេះ មុនពេលរូបគេចុះហត្ថលេខាលើកុងត្រាជាមួយក្លិប Seoul FC ជាផ្លូវការ។

ជាមួយគ្នានេះ ប្រភពដដែលបានបន្ថែមថា Lingard នឹងចូលរួមជាមួយក្លិប Seoul FC ក្នុងកុងត្រារយៈពេល ២ ឆ្នាំ។

ប្រភព៖ Fabrizio Romano