ច្បាស់ការ! Bayern Munich បានឈានដល់កិច្ចព្រមព្រៀងផ្ទេរយកកីឡាករជម្រើសជាតិ ព័រទុយហ្គាល់រូបនេះហើយ

បរទេស៖ ក្លិបយក្ស អាល្លឺម៉ង់ FC Bayern Munich ត្រូវបានគេរាយការណ៍ថា បានព្រមព្រៀងគ្នា ក្នុងការផ្ទេរយកខ្សែបម្រើរបស់ Fulham និងក្រុមជម្រើសជាតិ ព័រទុយហ្គាល់ កីឡាករ Joao Palhinha ហើយ។

យោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា Bayern បានព្រមព្រៀង ក្នុងការចុះកុងត្រាយក Joao Palhinha ពី Fulham ហើយ។

ប្រភពដដែលបានបន្ថែមថា តម្លៃនៃកិច្ចព្រមព្រៀងក្នុងការផ្ទេរខ្សែបម្រើវ័យ ២៨ ឆ្នាំរូបនេះ គឺមានតម្លៃ ៥០ លានអឺរ៉ូ ឬប្រមាណជា (៥៣ លានដុល្លារអាមេរិក) បូកជាមួយប្រាក់បន្ថែម ៥ លានអឺរ៉ូ ឬប្រមាណជា (៥.៣ លានដុល្លារអាមេរិក) ទៀត។

ជុំវិញកិច្ចព្រមព្រៀងនេះ Palhinha នឹងដាក់ប៊ិចចុះកិច្ចសន្យារយៈពេល ៤ ឆ្នាំ ក្នុងការស្នាក់នៅទឹកដី Allianz Arena៕

ប្រភព៖ Fabrizio Romano