ក្តៅៗ! ទីបំផុត Sancho រកក្លិបថ្មីបានហើយ ដោយរូបគេនឹងផ្លាស់ទៅកាន់ក្លិបគូប្រជែង Man UTD មួយនេះ

បរទេស៖ ទីបំផុតខ្សែប្រយុទ្ធស្លាបរបស់ Manchester United កីឡាករ Jadon Sancho បានព្រមព្រៀងផ្លាស់ទៅចូលរួមជាមួយក្រុមតោខៀវ Chelsea នៅរដូវក្តៅនេះហើយ ក្នុងលក្ខខណ្ឌខ្ចីជើងមួយរដូវកាល, នេះបើតាមប្រភពច្បាស់ការដោយអ្នកកាសែត អ៊ីតាលី លោក Fabrizio Romano។

ប្រភពដដែលបានបន្ថែមថា ទាំង Man UTD និង Sancho សុទ្ធតែព្រមព្រៀងរួចរាល់លើការផ្ទេរមួយនេះ ខណៈខ្សែប្រយុទ្ធសញ្ជាតិ អង់គ្លេស រូបនេះ នឹងចូលរួមជាមួយក្រុមនៅភាគខាងលិចទីក្រុង ឡុងស៍ ក្នុងកិច្ចសន្យាខ្ចីជើងមួយរដូវកាល អមជាមួយជម្រើសទិញផ្តាច់ផងដែរ។

គួរបញ្ជាក់ថា Chelsea នឹងប្រើប្រាស់ Sancho ដើម្បីទៅបំពេញកន្លែងរបស់ Raheem Sterling ដែលបានចាកចេញទៅចូលរួមជាមួយ Arsenal ក្នុងលក្ខខណ្ឌខ្ចីជើងមួយរដូវកាលដូចគ្នា៕

ប្រភព៖ Fabrizio Romano