នោះៗកៅអីលោក Ten Hag ក្តៅហើយ! ក្រោយចាញ់យប់មិញ ឥឡូវ Man UTD សម្លឹងឃើញគ្រូបង្វឹក ៣ នាក់នេះ ជាបេក្ខភាពត្រៀមមកជំនួស

បរទេស៖ ក្លិបបិសាចក្រហម Manchester United ត្រូវបានគេរាយការណ៍ថា កំពុងតែពិចារណាយ៉ាងល្អិតល្អន់អំពីអនាគតរបស់អ្នកចាត់ការលោក Erik ten Hag ហើយជាមួយគ្នានេះពួកគេបានសម្លឹងឃើញបេក្ខភាពគ្រូបង្វឹក ៣ នាក់រួចស្រេច ដើម្បីមកជំនួសកន្លែងរបស់បុរសសញ្ជាតិ ហូល្លង់ រូបនេះ ប្រសិនបើលោកត្រូវក្លិបបញ្ចប់តំណែង។

ជាការពិតណាស់ កៅអីរបស់លោក Ten Hag កំពុងស្ថិតនៅក្នុងស្ថានភាពឡើងកម្តៅខ្លាំង ជាពិសេសបន្ទាប់ពី Man UTD បានបរាជ័យក្រោមថ្វីជើងក្រុម Tottenham Hotspur ក្នុងលទ្ធផល ៣-០ នៅក្នុងការប្រកួតសប្តាហ៍ទី ៦ នៃក្របខណ្ឌ Premier League កាលពីថ្ងៃទី ២៩ ខែ កញ្ញា យប់មិញនេះ។

យោងតាមការចុះផ្សាយដោយសារព័ត៌មាន TBR Football បានឱ្យដឹងថា Manchester United បានកំណត់អត្តសញ្ញាណលើគ្រូបង្វឹក ៣ នាក់ ជាគោលដៅធំរបស់ពួកគេ ក្នុងករណីដែលលោក Ten Hag ត្រូវដើរចេញពីទឹកដី Old Trafford។

ប្រភពដដែលបន្ថែមថា គ្រូបង្វឹកទាំង ៣ នាក់នោះមានដូចជាលោក Thomas Tuchel, លោក Gareth Southgate និងលោក Graham Potter៕

ប្រភព៖ Sportskeeda