បឺត សង្ឃឹម ថាលើកមុនពេជ្រ សម្បត្តិ ចាញ់ Gomba ដោយសមត្ថភាពសុទ្ធសាធ តែជំនួបលើកទី ២ នេះ សង្ឃឹម បានវិភាគបែបនេះវិញម្តង

បរទេស៖ អ្នកលេងចិត្តសាស្ត្របឺត សង្ឃឹម បានចេញមុខវិភាគខ្លះៗជុំវិញជំនួបលើកទី ២ រវាងអ្នកប្រដាល់រហស្សនាមក្របីព្រៃពេជ្រ សម្បត្តិ ទល់នឹង អ្នកប្រដាល់ស្បែកតាន់មកពី អាហ្វ្រិកខាងត្បូង Ncedo Gomba នៅសង្វៀន ទ.ទ.ក នាថ្ងៃទី ១៦ ខែ វិឆ្ឆិកា ឆាប់ៗនេះ ចំថ្ងៃព្រះរាជពិធីបុណ្យអំទូក។

រម្លឹកថា ពេជ្រ សម្បត្តិ និង Gomba គឺធ្លាប់ជួបគ្នានៅសង្វៀន ទ.ទ.ក ម្តងរួចមកហើយកាលពីចុងខែ កញ្ញា កន្លងទៅ ហើយជាលទ្ធផល សម្បត្តិ បានបរាជ័យដោយពិន្ទុ និងបានរបូតខ្សែក្រវាត់គ្រុឌគុនខ្មែររបស់ខ្លួនមួយគ្រឿងផងដែរ។

យ៉ាងណាក៏ដោយ មុនជំនួបលើកទី ២ នេះមកដល់ បឺត សង្ឃឹម បានបានធ្វើការវិភាគថា គូទាំងពីរនេះគឺ ៥០ លើ ៥០ ដោយសារអ្នកទាំង ២ គឺល្អដៃដូចគ្នា ជាមួយគ្នានេះកូនសិស្សរបស់លោកគ្រូសេន ប៊ុនថេន បានលើកឡើងបន្ថែមថា កាលពីប្រកួតទី ១ កន្លងទៅ គឺសម្បត្តិ ចាញ់ Gomba ដោយសមត្ថភាព និងសមត្ថភាពតែម្តង មិនមែនដូចបងប្អូនមួយចំនួនលើកឡើងថា សម្បត្តិ ទម្លាក់លើកនេះ ដើម្បីចាំហូបនុយធំឡើយ។

សូមទស្សនាវីដេអូខាងក្រោម៖