អត់លើសខ្វះគ្នាច្រើនទេ! តាមពិត Rodri បានវ៉ាដាច់ពិន្ទុ Vinicius ប៉ុណ្ណោះ ក្នុងការឈ្នះពាន Ballon d'Or

បរទេស៖ ស្ថាប័ន France Football បានទម្លាយថា ខ្សែបម្រើ Rodri ទទួលបានពិន្ទុវ៉ាដាច់ Vinicius Jr. ចំនួន ៤១ ពិន្ទុក្នុងការឈ្នះពាន Ballon d'Or ២០២៤ នេះ។

ជាការពិតណាស់ បន្ទាប់ពី Rodri បានក្លាយជាម្ចាស់ពាន Ballon d'Or ២០២៤ នេះ បានធ្វើឱ្យកើតមាននូវមតិជំទាស់ជាច្រើន ដោយសារតែមានអ្នកគាំទ្រមួយចំនួន បានបង្ហាញការយល់ឃើញថា Vinicius Jr. ខ្សែប្រយុទ្ធរបស់ Real Madrid ទេ ទើបសក្តិសមឈ្នះពាលបាល់មាសនេះ។

យ៉ាងណាក៏ដោយ ថ្មីៗនេះស្ថាប័ន France Football បានបញ្ចេញពិន្ទុផ្លូវការហើយ ដែលបេក្ខភាពប្រជែងពានទាំងអស់ទទួលបានពីការបោះឆ្នោតពីសំណាក់គ្រូបង្វឹកជម្រើសជាតិ ប្រធានក្រុមជម្រើសជាតិ អ្នកកាសែត និងអ្នកគាំទ្រនៅលើ FIFA.Com ហើយ ក្នុងនោះ Rodri ដែលឈរនៅលេខរៀងទី ១ ទទួលបាន ១,១៧០ ពិន្ទុ ចំណែក Vinicius Jr. ដែលឈរលេខរៀងទី ២ ទទួលបាន ១,១២៩ ពិន្ទុ៕

ប្រភព៖ Goal