ចុមយក្ស! កីឡាករ និងវីរបុរស R.Madrid ៤ នាក់នេះ សុទ្ធតែបោះឆ្នោតឱ្យ Lamine Yamal ឈរលើ Arda Güler ក្នុងការប្រជែងពាន Kopa Trophy

បរទេស៖ ទីបំផុតស្ថាប័ន France Football បានបង្ហាញពីសម្លេងឆ្នោត ដែលអ្នកបោះឆ្នោតនីមួយៗបានបោះឆ្នោតឱ្យបេក្ខភាពប្រជែងពានកីឡាករវ័យក្មេង ដែលមានទេពកោសល្យបំផុតរបស់ Ballon d'Or (Kopa Trophy) ហើយ បន្ទាប់ពីពាននេះត្រូវបានឈ្នះដោយយុវជនដ៏មានទេពកោសល្យរបស់ Barcelona កីឡាករ Lamine Yamal កាលពីថ្ងៃទី ២៩ ខែ តុលា កន្លងទៅ។

យ៉ាងណាក៏ដោយ សម្រាប់អ្នកឈ្នះពាននេះ គឺពុំមានអ្វីគួរឱ្យភ្ញាក់ផ្អើលនោះទេ ដោយសារតែសមត្ថភាព និងស្នាដៃកន្លងមករបស់ខ្សែប្រយុទ្ធសញ្ជាតិ អេស្ប៉ាញ វ័យ ១៧ ឆ្នាំរូបនេះ រូបគេពិតជាសក្តិសមពិតមែន ប៉ុន្តែអ្វីដែលយើងភ្ញាក់ផ្អើល គឺកីឡាករ និងវីរបុរសរបស់ Real Madrid ៤ រូប សុទ្ធតែបានបោះឆ្នោតឱ្យ Lamine Yamal ឈរនៅលើកីឡាករវ័យក្មេងរបស់ពួកគេកីឡាករ Arda Guler។

ខាងក្រោមនេះ គឺជាលទ្ធផលបោះឆ្នោតរបស់កីឡាករ និងវីរបុរសរបស់ Real Madrid ទាំង ៤ រូប៖

• Luka Modric បានបោះឆ្នោតឱ្យ Lamine Yamal ទី ១, Arda Guler ទី ២ និង Joao Neves ទី ៣។
• Karim Benzema បានបោះឆ្នោតឱ្យ Lamine Yamal ទី ១, Arda Guler ទី ២ និង Alejandro Garnacho ទី ៣។
• លោក Luis Figo បានបោះឆ្នោតឱ្យ Lamine Yamal ទី ១, Arda Guler ទី ២ និង Joao Neves ទី ៣។
• លោក Kaka បានបោះឆ្នោតឱ្យ Lamine Yamal ទី ១, Arda Guler ទី ២ និង Kobbie Mainoo ទី ៣។

ប្រភព៖ បរទេស