ទំនងអត់? R.Madrid កំពុងចាប់អារម្មណ៍ចង់បានខ្សែការពារនៅ PL ២ នាក់នេះមកពង្រឹងក្រុមក្នុងខែ មករា ខាងមុខ

បរទេស៖ យោងតាមការចុះផ្សាយដោយសារព័ត៌មានបរទេស TEAMtalk បានឱ្យដឹងថា ក្លិបអធិរាជស Real Madrid កំពុងចាប់អារម្មណ៍ចង់ចុះកុងត្រាយកខ្សែការពារកណ្តាល Tottenham Hotspur កីឡាករ Cristian Romero និងខ្សែការពារកណ្តាលរបស់ Everton កីឡាករ Jarrad Branthwaite នៅទីផ្សារដោះដូរកីឡាករខែ មករា ខាងមុខ។

ជាការពិតណាស់ Real Madrid បច្ចុប្បន្នកំពុងជួបបញ្ហាធំនៅត្រង់តំបន់ការពារ បន្ទាប់ពីខ្សែការពារសំខាន់ៗរបស់ពួកគេមួយចំនួនបានមានបញ្ហារបួសដូចជា Eder Militao, Lucas Vazquez, Dani Carvajal និង David Alaba ជាដើម។ ដូច្នេះពួកគេត្រូវតែនាំចូលខ្សែការពារថ្មីជាចាំបាច់ ដើម្បីយកមកពង្រឹងក្រុម និងបំពេញចន្លោះប្រហោង ដែលក្រុមកំពុងជួបប្រទះ។

គួរបញ្ជាក់ថា ខ្សែការពារសញ្ជាតិ អាហ្សង់ទីន វ័យ ២៦ ឆ្នាំ Cristian Romero គឺនៅសល់កុងត្រាដល់ខែ មិថុនា ឆ្នាំ ២០២៧ ជាមួយ Spurs ចំណែក Branthwaite វិញក៏នៅសល់កុងត្រាដល់ឆ្នាំ ២០២៧ ផងដែរ ជាមួយនឹងក្រុមស្ករគ្រាប់ Everton៕

ប្រភព៖ Sportskeeda