អ៊េមណាស់! ក្លិបអ្នកមាននៅ អង់គ្លេស មួយនេះគ្រោងចុះកុងត្រាយក Ramos ដោយឱ្យប្រាក់ឈ្នួលជាង ១០ លានក្នុងមួយរដូវកាល

បរទេស​៖ ក្លិបសារិការព្រៃ Newcastle United ត្រូវបានគេរាយការណ៍ថា ពួកគេកំពុងចាប់អារម្មណ៍ចង់បានវីរបុរសរបស់ អេស្ប៉ាញ និង Real Madrid កីឡាករ Sergio Ramos។

ជាការពិតណាស់ Ramos ដែលបច្ចុប្បន្នមានវ័យ ៣៨ ឆ្នាំ គឺមិនទាន់មានក្លិបលេងនៅឡើយទេ បន្ទាប់ពីគាត់ចាកចេញពី Sevilla កាលពីខែ កក្កដា ឆ្នាំ ២០២៤ កន្លងទៅ។

យោងតាមការចុះផ្សាយដោយសារព័ត៌មាន អេស្ប៉ាញ Fichajes.net បានឱ្យដឹងថា ក្លិប Newcastle បានកំណត់អត្តសញ្ញាណលើ Ramos ថាជាគោលដៅដ៏មានសក្តានុពលបំផុតមួយសម្រាប់ពួកគេ។​ ពួកគេនឹងផ្តល់ជូននូវសំណើដ៏សមរម្យមួយជូនអតីតខ្សែការពារ Real Madrid រូបនេះ ជាមួយនឹងប្រាក់ឈ្នួលចំនួន ៨.៣ លានផោន ឬប្រមាណជា (១០.៤ លានដុល្លារអាមេរិក) ក្នុងមួយរដូវកាល៕

ប្រភព៖ Sportskeeda