លេងសើចណាស់! Onana យប់មិញធ្វេសប្រហែសមុខទី បញ្ជូនបាល់ខុសបច្ចេកទេសឱ្យខាង Viktoria Plzen ស៊ុតមួយគ្រាប់ទទេ(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ១៣ ខែ ធ្នូ ឆ្នាំ ២០២៤ នេះ ក្រុម Viktoria Plzen បានបើកទ្វាកីឡដ្ឋាន Doosan Arena របស់ខ្លួន ទទួលស្វាគមន៍ក្រុមភ្ញៀវ Manchester United នៅក្នុងការប្រកួតពានរង្វាន់ Europa League។

ជាការពិតណាស់ នៅក្នុងការប្រកួតរវាងក្រុមទាំង ២ គឺពិតជាតានតឹងមែនទែន ប៉ុន្តែចុងក្រោយខាងក្រុមភ្ញៀវ Man UTD នៅតែធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុមភ្ញៀវ Viktoria Plzen ក្នុងលទ្ធផល ២ ទល់នឹង ១។

ក្នុងនោះ ១ គ្រាប់របស់ Viktoria Plzen គឺកើតឡើងតាមរយៈការធ្វេសប្រហែសរបស់អ្នកចាំទី Andre Onana ដែលបានបញ្ជូនបាល់ភ្លាត់ស្នៀតធ្វើឱ្យកីឡាករ Matej Vydra មានឱកាសស៊ុតបញ្ចូលទីនៅនាទីទី ៤៨។ ចំណែក ២ គ្រាប់វាយបករបស់ Man UTD វិញ គឺរកបានដោយខ្សែប្រយុទ្ធ Rasmus Hojlund ទាំង ២ គ្រាប់ គឺនៅនាទីទី ៦២ និង ៨៨។

គួរបញ្ជាក់ថា តាមរយៈជ័យជម្នះនេះ បានធ្វើឱ្យ Man UTD ឡើងមកឈរនៅលេខរៀងទី ៧ ក្នុងតារាងចំណាត់ថ្នាក់ UEL ក្រោយឆ្លងកាត់ ៦ ប្រកួតកន្លងមក ពួកគេឈ្នះ ៣ និងស្មើ ៣ មាន ១២ ពិន្ទុ ចំណែកក្រុម Viktoria Plzen វិញ កំពុងឈរនៅលេខរៀងទី ១៧ ក្រោយឆ្លងកាត់ ៦ ប្រកួតដូចគ្នា ពួកគេមាន ៩ ពិន្ទុក្នុងដៃ។

សូមទស្សនាវីដេអូខាងក្រោម៖