អ៊េមណាស់! ស្ងាត់ៗ Man UTD បានឈានដល់កិច្ចព្រមព្រៀងផ្ទាល់មាត់ក្នុងការផ្ទេរយកខ្សែការពារស្លាបល្បឿនលឿនរូបនេះហើយ

បរទេស៖ ក្លិបបិសាចក្រហម Manchester United ត្រូវបានគេរាយកាណ៍ថា បានឈានដល់កិច្ចព្រមព្រៀងផ្ទាល់មាត់ ក្នុងការចុះកុងត្រាយកខ្សែការពារស្លាបឆ្វេងវ័យ ១៧ ឆ្នាំ Diego Leon ពីក្រុម Cerro Porteno នៃលីគរបស់ប្រទេស ប៉ារ៉ាហ្គាយ ហើយ។

យោងការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា Man UTD បានយល់ព្រមបង់តម្លៃផ្ទេរទៅឱ្យក្លិប Cerro Porteno ចំនួន ៤ លានដុល្លារអាមេរិក បូកជាមួយប្រាក់បន្ថែម ១ លានដុល្លារអាមេរិក ហើយនៅពេលអនាគត ប្រសិនបើខ្សែការពារសញ្ជាតិ ប៉ារ៉ាហ្គាយ រូបនេះបង្ហាញសមត្ថភាពបានល្អ នោះក្លិបបិសាចក្រហម នឹងផ្តល់ប្រាក់លើកទឹកចិត្តឱ្យ ៣.៥ លានដុល្លារអាមេរិកបន្ថែមទៀត។

ប្រភពដដែលបានបន្ថែមថា Man UTD នឹងរៀបចំឯកសារផ្ទេរទាំងអស់ឱ្យរួចរាល់ជាស្ថាពរនៅក្នុងខែនេះ ប៉ុន្តែសម្រាប់ Diego Leon វិញ រូបគេនឹងមិនទាន់ផ្លាស់មកទឹកដី Old Trafford ខែមករានេះនោះទេ ដោយត្រូវរង់ចាំដល់រដូវក្តៅឆ្នាំ ២០២៥ ទើបរូបគេធ្វើដំណើរមកកាន់ប្រទេស អង់គ្លេស ជាផ្លូវការ។

សូមទស្សនាពីវីដេអូនៃការលេងរបស់ Diego Leon ខាងក្រោម៖

ប្រភព៖ Fabrizio Romano