ក្តៅៗ! ទីបំផុតបងធំ Ramos រកបានក្លិបថ្មីលេងបានហើយ ដោយទៅចូលរួមក្លិបនៅក្រៅតំបន់ អឺរ៉ុប មួយនេះ

បរទេស៖ ទីបំផុតខ្សែការពារចាស់វស្សា Sergio Ramos រកក្លិបថ្មីលេងបានហើយ បន្ទាប់ពីអត់មានក្លិបលេងរយៈពេល ៦ ខែ ក្រោយចាកចេញពីក្លិប Sevilla កាលពីខែ កក្កដា ឆ្នាំ ២០២៤។

យោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា Ramos បានយល់ព្រមលក្ខខណ្ឌផ្ទេររួចរាល់ហើយ ក្នុងការផ្លាស់ទៅចូលរួមជាមួយក្លិប Rayados នៃលីគកំពូលរបស់ប្រទេស ម៉ិកស៊ិក ហើយអតីតខ្សែការពារ Real Madrid វ័យ ៣៨ ឆ្នាំរូបនេះនឹងចុះកុងត្រា (pre-contract) បញ្ជាក់ពីការផ្ទេរជាមួយក្លិប Rayados នៅថ្ងៃនេះ មុនឈានដល់ការពិនិត្យសុខភាព និងចុះកុងត្រាជាផ្លូវការ៕

ប្រភព៖ Fabrizio Romano