VAR ធ្វើសុីផ្លូវចិត្ត Messi ណាស់! អាហ្សង់ទីនបានត្រឹមស្មើគ្នា១-១ជាមួយប៉ារ៉ាហ្គាយក្នុងការប្រកួតជម្រុះ World Cup ព្រឹកមិញនេះ (មានវីដេអូ)

បរទេស៖ នៅក្នុងការប្រកួតជម្រុះ World Cup 2022 ក្នុងតំបន់អាមេរិកខាងត្បូងព្រឹកមិញនេះ ក្រុមជម្រើសជាតិអាហ្សង់ទីនបានត្រឹមចែកគ្នាម្នាក់មួយពិន្ទុជាមួយ ប៉ារ៉ាហ្គាយ ដោយបញ្ចប់ការប្រកួតដោយលទ្ធផល១ទល់នឹង១។ 

ក្រុមភ្ញៀវប៉ារ៉ាហ្គាយមានឱកាសរកបានមួយគ្រាប់នាំមុខមុននៅនាទីទី២១ ដោយការស៊ុតបាល់ប៉េណាល់ទីរបស់កីឡាករ Angel Romero ។ ចូលដល់ទីនាទីទី៤១ អាហ្សង់ទីនក៏អាចរកគ្រាប់តាមស្មើមកវិញដោយការតែតរបស់កីឡាករ Nicolas Gonzalez ។ ហើយអ្វីដែលធ្វើឲ្យអ្នកគាំទ្រអាហ្សង់ទីនខកចិត្តនោះគឺគ្រាប់បាល់មួយគ្រាប់របស់ Lionel Messi នៅនាទីទី៥៧ ត្រូវបាន VAR បដិសេធ។

យោងតាមលទ្ធផលនេះ អាហ្សង់ទីនបន្តឈរកំពូលតារាងជាបណ្តោះអាសន្ន មាន៧ពិន្ទុ នៅពីលើប្រេសុីលដែលត្រូវធ្វើការប្រកួតព្រឹកស្អែកនេះ ចំនួនមួយពិន្ទុ ខណៈដែលប៉ារ៉ាហ្គាយវិញមាន៥ពិន្ទុ ឈរនៅលេខ៤៕

ប្រភព៖ goal