ហានិភ័យ! អ្នកបានទៅផ្ញើអីវ៉ាន់នៅក្រុមហ៊ុន វីរៈប៊ុនថាំ សាខានេះ សូមដាក់ខ្លួនដាច់ដោយឡែក និងតាមដានសុខភាពជាបន្ទាន់

ភ្នំពេញ៖ អនុគណៈកម្មការស្រាវជ្រាវជំងឺកូវីដ-១៩​ បានប្រកាសរកឃើញអ្នកជំងឺកូវីដ-១៩ ថាធ្លាប់បានទៅផ្ញើអីវ៉ាន់នៅក្រុមហ៊ុន វីរៈប៊ុនថាំ ដែលមានទីតាំងនៅផ្លូវលេខ៨៦ កែងផ្លូវលេខ៤៧ សង្កាត់ស្រះចក ខណ្ឌដូនពេញ រាជធានីភ្នំពេញ។ ហើយមានបុគ្គលិកខាងទទួលអីវ៉ាន់ចំនួន ៣នាក់ បានប៉ះពាល់ផ្ទាល់ និងនៅមិនទាន់បានយកសំណាកទេ គិតត្រឹមថ្ងៃទី២៦ ខែឧសភាម្សិលមិញនេះ។

អាស្រ័យដូចបានជម្រាបជូន សូមប្រជាពលដ្ឋដែល​បានទៅផ្ញើអីវ៉ាន់នៅទីតាំងខាងលើ ចាប់ពីថ្ងៃទី១៩ ដល់ថ្ងៃទី២៦ ខែឧសភា ឆ្នាំ២០២១ សូមដាក់ខ្លួនឲ្យដាច់ដោយឡែក និងយកចិត្តទុកដាក់តាមដានសុខភាពរបស់ខ្លួនរយៈពេល ១៤ថ្ងៃ ចាប់ពីថ្ងៃដែលបានប៉ះពាល់ ឬបានទៅទីកន្លែងមានហានិភ័យនេះ៕

ដើម្បីទទួលបានព័ត៌មានបន្ថែមថ្មីៗ និងរហ័សសូមចុច៖ https://t.me/khmerload