ខេត្តកំពង់ធំ រកឃើញអ្នកវិជ្ជមានជំងឺកូវីដ១៩ចំនួន ២៦នាក់ តាមរយៈការធ្វើតេស្តរហ័ស​

កំពង់ធំ៖ រដ្ឋបាលខេត្តកំពង់ធំ បានចេញសេចក្តីប្រកាសព័ត៌មាន ស្តីពីការរកឃើញអ្នកវិជ្ជមានជំងឺកូវីដ១៩ ចំនួន ២៦នាក់ តាមការធ្វើតេស្តរហ័យ (Rapid Test) នៅថ្ងៃទី២៨ ខែឧសភា ឆ្នាំ២០២១ ក្នុងនោះ អ្នកដំណើរមកពីរាជធានីភ្នំពេញចំនួន ០៣នាក់ អ្នកប៉ះពាល់អ្នកវិជ្ជមានដែលមកពីរាជធានីភ្នំពេញចំនួន ០២នាក់ និងកម្មកររោងចក្រហួល រោងចក្រវ៉ាឡុង និងរោងចក្រខាលីនតុន(ភូមិស្គន់ ឃុំសូទិប ស្រុកជើងព្រៃ ខេត្តកំពង់ចាម) ចំនួន ១៩នាក់ និងអ្នកប៉ះពាល់កម្មការិនីរោងចក្រ(វ៉ាឡុង និងខាងលីនតុន) ចំនួន ០២នាក់។

ទន្ទឹមនឹងនេះ ដើម្បីចូលទប់ស្កាត់ការឆ្លងរាលដាលជំងឺកូវីដ១៩ បន្ថែមទៀត រដ្ឋបាលខេត្តសូមអំពាវនាវដល់អ្នកដែលធ្លាប់ប្រាស្រ័យទាក់ទងជាងមួយអ្នកវិជ្ជមាន ដែលមានរាយនាមទាំងនេះ សូមរួសរាន់ទំនាក់ទំនងទៅអាជ្ញាធរ ឬមណ្ឌលសុខភាពដែលនៅកៀកបំផុត​ ដើម្បីពិនិត្យសុខភាព និងធ្វើចត្តាឡីស័ករយៈពេល ១៤ថ្ងៃ ឱ្យបានត្រឹមត្រូវ។

ចង់ជ្រាបកាន់តែច្បាស់ សូមអានសេចក្ដីជូនដំណឹង​ខាងក្រោម៖

ប្រភព៖ រដ្ឋបាលខេត្តកំពង់ធំ