សោកស្តាយណាស់! កីឡាករឆ្នើមកម្ពុជារូបនេះ បានរងរបួសដា.ច់ សរសៃពួរជង្គង់បាត់ហើយ

កម្ពុជា៖ ខ្សែការពារក្លិប ណាហ្គាវើលដ៍ កីឡាករ នេន សុធារ័ត្ន បានរង់របួសដាច់សរសៃពួរជង្គង់ (ACL) បន្ទាប់ពីបានធ្វើការតេស្តស្កេនជង្គង់កាលពីម្សិលមិញ។

ជាការពិតណាស់ របួសនេះបានកើតឡើង កាលពីថ្ងៃអាទិត្យកន្លងទៅក្នុងជំនួបទល់នឹងក្លិបភ្នំពេញក្រោន នៅពេលដែល សុធារ័ត្ន បានព្យាយាមដណ្តើមបាល់ពីកីឡាករ ប្រាក់ ធីវ៉ា ហើយ ក៏ដួលអស់ជំហរខ្លួនឯង និង បានសែងចេញពីទីលានភ្លាមៗ។

យ៉ាងណាមិញ បន្ទាប់ពីបានធ្វើតេស្តស្កេនរួចមក លទ្ធផលបានចេញមកថា អតីតសមាជិកក្រុមជម្រើសជាតិខាងលើ បានរង់របួសដាច់សរសៃពួរជង្គង់ ហើយ ត្រូវអវត្តមានពីទីលានយ៉ាងហោចណាស់ ៦-៧ ខែទើបអាចវិលត្រឡប់មកហ្វឹកហាត់តិចវិញបាន។ ដូច្នេះនេះមានន័យថា សុធារ័ត្ន នឹងខកខានជួយណាហ្គារហូតដល់បញ្ចប់រដូវកាល៕