បរទេស៖ ខ្សែប្រយុទ្ធឆ្នើម Cristiano Ronaldo បានផ្ញើពាក្យផ្តែផ្តាំទៅកាន់ កីឡាករឆ្នើមវ័យក្មេង Erling Haaland ស្របពេលដែលក្លិប Manchester United កំពុងចែចូវចង់បានរូបគេមករួមក្រុម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Haaland នៅសល់កុងត្រាជាមួយ Dortmund រហូតដល់ឆ្នាំ ២០២៣ ឯណោះ យ៉ាងណាមិញ ទំនាក់ទំនងគេជាមួយ Man Utd ពេលនេះ ក៏កំពុងតែក្តៅគគុកផងដែរ ជាពិសេសអ្នកចាត់ការក្រុមបិសាចក្រហម លោក Ralf Rangnick ក៏បានធ្វើការទាក់ទងទៅឪពុក Haaland ផ្ទាល់ ដើម្បីជជែកពីការដោះដូរនេះផងដែរ។
Ronaldo បាននិយាយថា៖
ខ្ញុំពិតជាសប្បាយចិត្តណាស់ដែលបានឃើញកីឡាករវ័យក្មេងសម័យនេះ ដូចជា Mbappe និង Haaland ដែលបណ្តុះបណ្តាលខ្លួនគេបានល្អ។ យ៉ាងណាមិញ ខ្ញុំផ្តល់ដំបូន្មានទៅពួកគេវិញថា កីឡាករខ្លះល្អបានតែមួយទៅពីរ រដូវកាលទេ ដូច្នេះហើយ ប្រសិនជាពួកគេ ចង់មានឈ្មោះជា កីឡាករល្អរហូតនោះ ពួកគេត្រូវតែ ខំពីមួយរដូវកាលហើយទៅមួយរដូវកាលទៀត វាទាមទារឲ្យយើងមានការអំណត់ព្យាយាម និង ការបេ្តជ្ញាខ្ពស់ណាស់ ទើបអាចជោគជ័យបាន៕
ប្រភព៖ Dailymail
Bong I.T