កម្សាន្ត៖ ជាការពិត កន្លែងទេសចរណ៍ល្បីៗមួយចំនួន តែងតែមានការបង្កប់អត្ថន័យ និងភាពអស្ចារ្យ ដែលធ្វើឲ្យមានការភ្ញាក់ផ្អើលសម្រាប់អ្នកទេសចរដែលមិនធ្លាប់បានស្គាល់ពីមុនមក។

ក្នុងនោះផងដែរ យើងទាំងអស់គ្នាដឹងហើយថានៅពីក្រោយស្នាដៃដ៏ល្បីល្បាញមួយចំនួនរបស់ពិភពលោក គឺបានមកពីស្ថាបត្យករ និងវិចិត្រករដែលមានទេពកោសល្យ។ តួយ៉ាងដូចជា រូបសំណាកសេរីភាព, ប៉ម Leaning Tower of Pisa, ប៉ម Eiffel, Giant Sphinx. ជាដើម ស្ថាបត្យកមិនត្រឹមតែបានបង្កើតស្នាដៃល្បីៗជុំវិញពិភពលោកប៉ុណ្ណោះទេ ពួកគេថែមទាំងបានបន្សល់ទុកនូវអាថ៌កំបាំងមួយចំនួនដែលមិនសូវមាននរណាម្នាក់ដឹងនោះឡើយ៕

១.បន្ទប់សម្ងាត់នៅលើ Tower Eiffel

មនុស្សជាច្រើនបានស្គាល់ពីប៉ម Eiffel និងបានទៅលេងជាច្រើនដង ដោយសារវាស្អាត។ ប៉ុន្តែមនុស្សមួយចំនួននៅតែមានការភ្ញាក់ផ្អើល នៅពេលសួរអំពីបន្ទប់សម្ងាត់នៅជាន់ខាងលើនៃប៉ម។ ម្ចាស់បន្ទប់សំខាន់មួយនោះ គឺជាស្ថាបត្យករលោក Gustave Eiffel ។ លោកបានសាងសង់បន្ទប់មួយ ដែលមានគ្រឿងបរិក្ខារពេញលេញដូចជាសាឡុង ផ្ទះបាយ បន្ទប់ទឹក បន្ទប់គេង២ និងបង្អួចដែលអាចមើលពីលើទីក្រុងប៉ារីសបាន។ លោក Gustave Eiffel ក៏ធ្លាប់បាននិយាយពិភាគ្សាជាមួយ Thomas Edison នៅក្នុងបន្ទប់សម្ងាត់នេះផងដែរ។

២.Sphinx ក៏មានបន្ទប់សម្ងាត់

តាំងពីយូរយារណាស់មកហើយ មនុស្សគ្រប់គ្នាគិតថា Sphinx នៅក្នុងប្រទេសអេហ្ស៊ីប គឺជារូបសំណាកដ៏ធំសម្បើមមួយឈរនៅកណ្តាលវាលខ្សាច់។ ប៉ុន្តែមានមនុស្សតិចណាស់ដែលដឹងថា វាក៏មានផ្លូវរូងក្រោមដី និងបន្ទប់សម្ងាត់ដ៏ស្មុគស្មាញផងដែរ។ អ្នកជំនាញបានបង្ហាញថា បាតនៃរូបសំណាក បានលាក់ប្រព័ន្ធដែលបង្ហាញពីទេពកោសល្យដ៏មិនគួរឲ្យជឿរបស់ស្ថាបត្យករបុរាណ។

 ៣.ស្ថានីយ៍ប៉ូលិសតូច នៅក្រោមបង្គោលភ្លើងនៅទីលាន Trafalgar

ជាកន្លែងកម្សាន្តដ៏មមាញឹកបំផុតមួយរបស់ទីក្រុងឡុងដ៍។ ទីលាន Trafalgar ចាំបាច់ត្រូវត្រួតពិនិត្យ និងការពារយ៉ាងដិតដល់។ ស្ថាបត្យករម្នាក់បានចេញដំណោះស្រាយ ដោយបានសាងសង់ប៉ុស្តិ៍ប៉ូលិសសម្ងាត់មួយនេះឡើង។ ថ្វីត្បិតតែបច្ចុប្បន្ននេះ គេលែងប្រើហើយក៏ពិតមែន តែវានៅតែបង្កើតភាពទាក់ទាញ និងអាចទាញចំណាប់អារម្មណ៍ពីអ្នកទេសចរជាច្រើន។

៤.ប្រឡោះ លាក់នៅពីក្រោយរូបសំណាកលោក Leonardo da Vinci

ដូចលោក Leonardo da Vinci ដែរ ស្ថាបត្យករដែលបានបង្កើតរូបសំណាករបស់វិចិត្រករដ៏អស្ចារ្យនេះ បានចែករំលែកនូវចំណង់ចំណូលចិត្ត ក្នុងការលាក់បាំងនូវអ្វីដែលពិសេសនៅក្នុងការងាររបស់គាត់។ ស្ថាបត្យករ Assen Peikov បានបញ្ចប់រូបសំណាកលោក Leonardo da Vinci ដោយមានកន្លែងលាក់កំបាំងនៅកណ្តាលអគារ។

៥.ផ្លូវរូងក្រោមដីនៅក្រោម Colosseum

អគារដ៏ធំនេះ គឺជាកន្លែងសម្គាល់សម័យកាលដ៏រុងរឿងនៃប្រវត្តិសាស្ត្រនៃចក្រភពរ៉ូមបុរាណ។ ខណៈពេលដែលកំពុងស្រាវជ្រាវ និងជីកកកាយតំបន់ដែលលាក់នៅក្រោមផ្ទៃនៃសង្វៀន អ្នកបុរាណវិទូបានធ្វើការរកឃើញអ្វីដ៏គួរឲ្យភ្ញាក់ផ្អើលមួយ។ វាគឺជាបណ្តាញផ្លូវរូងក្រោមដីដ៏ស្មុគស្មាញ ដែលត្រូវបានគេស្គាល់ថាជា «hypogeum»។

៦.ខ្សែច្រវ៉ាក់បានបំបែក នៅជើងនៃរូបសំណាកសេរីភាព

ស្នាដៃដ៏ល្បីល្បាញនេះត្រូវបានគេស្គាល់ថា ជាអំណោយពីបារាំងដល់សហរដ្ឋអាមេរិកក្នុងឱកាសខួបលើកទី១០០  នៃឯករាជ្យរបស់អាមេរិក។ រូបសំណាកដែលមានរូប Libertas ដែលជាទេពធីតានៃសេរីភាពរបស់ក្រិក កាន់ពិល និងសៀវភៅច្បាប់ ត្រូវបានចាត់ទុកថាជានិមិត្តរូបនៃឯករាជ្យភាពរបស់អាមេរិក។

៧.បន្ទប់សម្ងាត់នៅពីក្រោយភ្នំ Rushmore

នេះគឺជាវិមានដ៏ល្បីល្បាញមួយដែលត្រូវបានបង្កើតឡើងដោយស្ថាបត្យករជនជាតិដាណឺម៉ាក-អាមេរិក Gutzon Borglum។ ដំបូង​ឡើយ លោក​មាន​បំណង​ធ្វើ​បន្ទប់​សម្ងាត់​មួយ​នៅ​ពី​ក្រោយ​ប្រធានាធិបតី ដើម្បី​ទុក​ឯកសារ​ជាតិ។ជាអកុសល វាមិនអាចធ្វើរួចរាល់បានទេ ខណៈពេលដែល Gutzon នៅមានជីវិត។ គាត់ស្ទើរតែមិនអាចបង្កើតច្រកចូល និងកន្លែងធំទូលាយនៅខាងក្នុងភ្នំនោះ។ ជាង ៥០ ឆ្នាំបន្ទាប់ពីការស្លាប់របស់ Gutzon នៅឆ្នាំ ១៩៩៨ ឯកសារសំខាន់ៗ និងអនុស្សាវរីយ៍របស់ប្រធានាធិបតីផ្សេងៗត្រូវបានដាក់នៅខាងក្នុងបន្ទប់។ សព្វ​ថ្ងៃ​នេះ​គឺ​ជា​បណ្ណសារ​នៃ​ឯកសារ​ប្រវត្តិសាស្ត្រ​អាមេរិក។

ប្រភព៖ Bright Side