អង់គ្លេស៖ ខ្សែការពារ Aymeric Laporte បាននិយាយថារូបគេមិនមានបំណងចង់ចាកចេញពីក្លិប Manchester City នោះឡើយបើទោះបីជា Chelsea ចង់បានគេក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករវ័យ២៨ឆ្នាំរូបនេះទើបតែឈ្នះពាន Premier League លើកទី៤ជាមួយ Man City ហើយនៅរដូវកាលមុនគេបានចាប់ដៃគូជាមួយខ្សែការពារ Ruben Dias នៅតំបន់ការពារផងដែរ។
ខណៈនោះដែរ Chelsea កំពុងដុតដៃដុតជើងស្វែងរកខ្សែការពារដោយអ្នកកាសែត Fabrizio Romano ថាខ្សែការពារ Nathan Ake ដែលជាមិត្តរួមក្រុមរបស់ Laporte បានព្រមព្រៀងផ្លាស់ទៅទឹកដី Stamford Bridge ហើយ។
យ៉ាងណាមិញ ទោះឮថា Chelsea ចង់បានគេម្នាក់ទៀតក៏ដោយក៏ Laporte បានឆ្លើយថា៖
បាទ ខ្ញុំនឹងស្នាក់នៅក្លិបបន្តទៀត ខ្ញុំពិតជាសប្បាយចិត្តនឹងមានកាយសម្បទាមាំមួនណាស់សូម្បីក្រុមក៏អ៊ីចឹងដែរ។ ពួកយើងមានគោលបំំណងធំដដែលគឺ Champions League ហើយពួកយើងនឹងធ្វើគ្រប់យ៉ាងដើម្បីឈ្នះវានៅឆ្នាំនេះ។ ខ្ញុំនៅសល់កុងត្រា៣ឆ្នាំទៀតហើយខ្ញុំពិតជាសប្បាយចិត្តហើយក្លិបក៏សប្បាយចិត្តដែរ។ ខ្ញុំបានចូលលេងជាច្រើននាទីគឺជាខ្សែការពារកណ្ដាលដែលបានចូលលេងច្រើនជាងគេ។ខ្ញុំពិតជាសប្បាយចិត្តជាមួយលោកគ្រូបង្វឹកនិង Manchester City ក៏ជឿទុកចិត្តលើខ្ញុំ។ដូច្នេះហេតុអីខ្ញុំមិនបន្តឲ្យច្រើនឆ្នាំទៀតទៅ?
ប្រភព៖ metro
Bong I.T