អង់គ្លេស៖ អ្នកចាត់ការក្រុមរបស់ Manchester United លោក Ruben Amorim បានលើកឡើងពីចំណុចធំៗដែលលោកចង់បានពី Marcus Rashford ក៏ដូចជា កីឡាករក្រុមបិសាចក្រមដទៃទៀត ដើម្បីធ្វើយ៉ាងណាជូនក្រុមដើរទៅរកភាពជោគជ័យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នាមួយរយៈចុងក្រោយនេះ គុណផលលេងរបស់ Man UTD គឺ កាន់តែធ្លាក់ទៅៗទោះបីជាក្លិបបានតែងតាំងលោក Ruben Amorim មកជំនួសតំណែងរបស់លោក Erik ten Hag ក៏ដោយ ជាក់ស្តែងកាលពីថ្ងៃអាទិត្យកន្លងទៅ ពួកគេទើបតែប្រកួតចាញ់ Bournemouth ស្ពឹកមុខ ៣ទល់នឹង០ និង កំពុងមានរឿងត្រូវដោះស្រាយជាច្រើនដូចជាបញ្ហាជាមួយ Rashford ជាដើម។
ក្នុងនោះ ទាក់ទងនឹងរឿងខាងលើ លោក Amorim បាននិយាយថា៖
ដូចកីឡាករគ្រប់រូបអ៊ីចឹង ត្រូវបង្ហាញសមត្ថភាពទាំងអស់ដែលមាន។ ប្រសិនបើអ្នកមានទេពកោសល្យល្អ ការបង្ហាញខ្លួនល្អ ទំនួលខុសត្រូវ ការរួមចំណែកខ្ពស់ នោះ អ្នកនឹងអាចជួយមិត្តរួមក្រុមបានថែមទៀតផង។ កីឡាករមួយចំនួននៅទីនេះមានទំនួលខុសត្រូវខ្ពស់ ពីព្រោះពួកគេបានស្នាក់នៅទីនេះរយៈពេលយូរហើយ ប៉ុន្តែ វានៅតែជាអ្វីដែលក្រុមយើងកំពុងខ្វះខាតខ្លាំងនៅពេលនេះ ដូច្នេះយើងត្រូវតែប្រឈមមុខ និង ធ្វើខ្លួនឲ្យរឹងមាំ៕
ប្រភព៖ sportskeeda
Bong I.T