កម្ពុជា៖ គ្រូបង្វឹករបស់អ្នកលេងកណ្តាប់ដៃ ធន់ រិទ្ធី លោកគ្រូ ធន់ សុភា បានប្រកាសចង់ឲ្យកូនសិស្សខ្លួនជួបសងសឹក កីឡាករជួរមុខប្រចាំសង្វៀន Thai Fight កីឡាករ Saiyok ម្តងទៀតបន្ទាប់ពីរូបគេបានផ្តួលកីឡាករ សាមី បានឆាមេក បានសម្រេចកាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ការតាំងចិត្តរបស់ ធន់ រិទ្ធី និង ការខិតខំប្រឹងប្រែងរបស់គិតជាទទួលបានផ្លែផ្កាមែន កាលពីថ្ងៃអាទិត្យ បន្ទាប់ពីរូបគេបានសងសឹក សាមី បានឆាមេក ដែលខ្លួនបានចាញ់កាលពីខែមីនាកន្លងទៅ ពោលបានផ្តួលឲ្យសន្លប់ធំក្នុងទឹកទី២ គ្រងខ្សែក្រវ៉ាត់គ្រុដគុនខ្មែរ ហើយ គោលដៅបន្ទាប់របស់ រិទ្ធី និង លោកគ្រូ ធន់ សុភា គឺ រូបលោកបានប្រកាសនៅលើសង្វៀនក្រោយចប់ការប្រកួតតែម្តង អំពីការចង់សងសឹក សៃយោគ ម្តងទៀត បន្ទាប់ពីរិទ្ធីធ្លាប់ចាញ់អ្នកប្រដាល់ថៃរូបនេះកាលពីខែតុលា ឆ្នាំ២០២២ កន្លងទៅ។
លោកគ្រូ ធន់ សុភា បាននិយាយថា៖
ខ្ញុំបានគិតទុកមុន ខ្ញុំធ្លាប់និយាយដែរ ប្រសិនបើរិទ្ធី អាចឈ្នះ សាមី បានឆាមេក នោះ ខ្ញុំនឹងសំណូមពរឲ្យរិទ្ធីជួបនឹង សៃយោគ អំបោះឆៅម្តងទៀត៕
Bong I.T