បរទេស៖ អតីតវីរបុរសលោក Wayne Rooney បានធ្វើការរិះគន់ទៅលើចំំណុចអវិជ្ជមានមួយរបស់កីឡាករ Manchester United ថាដោយសារបច្ចុប្បន្នពួកគេលេងមិនបានអស់សមត្ថភាព ទើបមួយរយៈចុងក្រោយនេះពួកគេតែងតែបរាជ័យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ តាមរយៈការបរាជ័យជាបន្តបន្ទាប់នេះ ក៏បានជះឥទ្ធិពលទៅលើកៅអីរបស់លោក Erik ten Hag ខ្លាំងផងដែរ ហើយថ្មីៗនេះមានពាក្យចចាមអារ៉ាមថា ថ្នាក់លើរបស់ Man UTD កំពុងពិចារណាចង់បានអ្នកចាត់ការថ្មីមកជំនួសតំណែងរបស់បុរសសញ្ជាតិ ហូឡង់ ខាងលើ។
ជុំវិញរឿងរ៉ាវខាងលើ, លោក Rooney ដែលបច្ចុប្បន្នកំពុងដឹកនាំក្លិប Birmingham បានមានប្រសាសន៍នៅក្នុងកិច្ចសម្ភាសន៍យ៉ាងដូច្នេះថា៖
ខ្ញុំដឹងថា កីឡាករមួយចំនួននៅក្នុងក្រុម ពួកគេគឺមិនទាន់លេងដល់កម្រិត ដែលសមត្ថភាពពួកគេមាននោះទេ។ ជាការពិត គ្រប់យ៉ាងគឺវានឹងត្រូវធ្លាក់ទៅលើអ្នកគ្រប់គ្រង ហើយនោះជាអ្វីដែលអ្នកគ្រប់គ្រងត្រូវដោះស្រាយ។ គាត់ (Ten Hag) នឹងត្រូវបានគេរិះគន់ បន្ទាប់ពីការប្រកួតកាលពី ពីរ ទៅ បីសប្តាហ៍មុន ប៉ុន្តែខ្ញុំគិតថាកីឡាករទាំងអស់គឺអាចធ្វើអ្វីលើសពីហ្នឹងទៀត ចំពោះអ្វីដែលពួកគេកំពុងបង្ហាញទៅកាន់គាត់បច្ចុប្បន្ន។
ប្រភព៖ Metro
Bong I.T