នៅតែល្អ! ចាន់ វឌ្ឍនាកា យប់មិញស៊ុតមួយជើងឆ្វេងស្អាតណាស់ ចូលរួមចំណែកជួយឱ្យ បឹងកេត តាមស្មើ ភ្នំពេញក្រោន ៥-៥(មានវីដេអូ)

បរទេស៖ នាល្ងាចថ្ងៃទី ០៤ ខែ វិច្ឆិកា ឆ្នាំ ២០២៣ ម្សិលមិញ ក្រុមបឹងកេតអេហ្វស៊ី បានបើកទ្វាកីឡដ្ឋានពហុកីដ្ឋានជាតិរបស់ខ្លួនទទួលស្វាគមន៍ក្រុមភ្ញៀវ ភ្នំពេញក្រោន នៅក្នុងការប្រកួតសប្តាហ៍ទី ១០ នៃក្របខណ្ឌ Cambodian Premier League។

ជាការពិតណាស់ នៅក្នុងការប្រកួតរវាងក្រុមខ្លាំងទាំង ២ គឺពិតជាតានតឹងមែនទែន ដោយបញ្ចប់ការប្រកួត ៩០ នាទីពេញ ពួកគេបានត្រឹមចែកគ្នាម្នាក់ ១ ពិន្ទុប៉ុណ្ណោះ ពោលគឺស្មើគ្នា ៥ ទល់នឹង ៥។

ក្នុងនោះ ៥ គ្រាប់របស់ ភ្នំពេញក្រោន គឺរកបានដោយ លឹម ពិសុទ្ធ ២ គ្រាប់ គឺនៅនាទីទី ១៤ និង ៤៨, Denilson រកបាន ១ គ្រាប់គឺនៅនាទីទី ៣៣, Shimizu Shintaro រកបាន ១ គ្រាប់ គឺនៅនាទីទី ៩០+១០ (P) និង Andres Nieto រកបាន ១ គ្រាប់ផងដែរនៅនាទីទី ៩០+១៥ ចំណែក ៥ គ្រាប់របស់ម្ចាស់ផ្ទះ បឹងកេត វិញ គឺរកបានដោយ ម៉ាត់ នូរុណ ៤ គ្រាប់ម្នាក់ឯងគឺនៅនាទីទី ៤២, ៥៣, ៩០ និង ៩០+២ (P) រីឯមួយគ្រាប់ទៀត គឺរកបានដោយ ចាន់ វឌ្ឍនាកា នៅនាទីទី ៧២។

ដើម្បីជ្រាបច្បាស់សូមទស្សនាវីដេអូខាងក្រោម៖