អស់ទាស់! Vinicius យប់មិញស៊ុត hat-trick យ៉ាងអស្ចារ្យ ជួយឱ្យ R.Madrid លត់ Barca ៤-១ លើកពាន Supercopa de Espana(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ១៥ ខែ មករា ឆ្នាំ ២០២៤ ក្រុមអធិរាជស Real Madrid បានជួបតទល់គ្នាជាមួយក្រុមអ្នកមានបុណ្យ FC Barcelona នៅកីឡដ្ឋាន Al-Awwal Stadium ក្នុងការប្រកួតវគ្គផ្តាច់ព្រ័ត្រនៃពានរង្វាន់ Supercopa de Espana។

ជាការពិតណាស់ នៅក្នុងជំនួបនៃក្រុមខ្លាំងទាំង ២ ពិតជាតានតឹងមែន ប៉ុន្តែជារួមខាង Real Madrid ធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេបានយកឈ្នះទៅលើក្រុម Barcelona ក្នុងលទ្ធផលយ៉ាងចាស់ដៃ ៤ ទល់នឹង ១។

ក្នុងនោះ ៤ គ្រាប់របស់ R.Madrid គឺរកបានដោយ Vinicius Jr. ៣ គ្រាប់ម្នាក់ឯង គឺនៅនាទីទី ៧, ១០ និង ៣៩(P) និងមួយគ្រាប់ទៀតរកបានបដោយ Rodrygo នៅនាទីទី ៦៤ ដោយឡែក ១ គ្រាប់របស់ Barcelona វិញ គឺរកបានដោយ Robert Lewandowski នៅនាទីទី ៣៣។

គួរបញ្ជាក់ថា ក្រោយជ័យជម្នះនេះ គឺបានធ្វើឱ្យ Real Madrid ក្លាយជាម្ចាស់ជើងឯកពានរង្វាន់ Supercopa de Espana នេះជាផ្លូវការហើយ ដែលជាលើកទី ១៣ នៅក្នុងប្រវត្តិសាស្ត្ររបស់ពួកគេ។

ដើម្បីជ្រាបច្បាស់សូមទស្សនាវីដេអូខាងក្រោម៖