ជួបរបស់ពិតហើយ! មកទស្សនាវីដេអូដៃគូប្រកួតលោកគ្រូ ក្រាក់ សម្ភ័ស្ស សប្តាហ៍នេះ សំខាន់គេក្មេងជាងហើយ ដៃលឿនជាងម៉ាស៊ីនទៀត

កម្ពុជា៖ អ្នកលេងគុនខ្មែររហ្ស័សនាម ស្មងដែកទារព្រលឹង លោកគ្រូ ក្រាក់ សម្ភ័ស្ស នឹងត្រូវធ្វើការងារធ្ងន់ហើយ នាថ្ងៃសៅរ៍សប្តាហ៍នេះ ក្នុងការប្រកួតទល់នឹងកីឡាករអឺរ៉ង់ Majid Tocayah នៃសង្វៀន KKIF។

ជាការពិតណាស់ បើយើងនិយាយពីកីឡាករ Majid គឺ បច្ចុប្បន្នគេទើបតែមានវ័យ ២៤ឆ្នាំទេ មានកម្ពស់ ១.៦៥ម៉ែត្រ ទម្ងន់ ៦៥គីឡូ ហ្វឹកហាត់នៅក្នុងក្លិប Tocoyah នៃប្រទេសថៃ។ Majid នេះក៏ធ្លាប់មកប្រកួតនៅប្រទេសកម្ពុជាបានម្តងដែរកាលពីខែធ្នូ ឆ្នាំ២០២៣ ដោយពេលនោះ គេប្រកួតជាមួយ ឡុង សំណាង ពេញ៥ទឹក ចាញ់ពិន្ទុ។

តោះប្រិយមិត្តកុំឲ្យខាតពេលវេលាយូរយើងទៅទស្សនាក្បាច់វាយរបស់ Majid ទាំងអស់គ្នា៖