បរទេស៖ ខ្សែការពារចាស់វស្សារបស់ Real Madrid កីឡាករ Nacho Fernandez ត្រូវបានគេរាយការណ៍ថា បានជ្រើសរើសយកលីគកំពូល អាមេរិក Major League Soccer ជាកន្លែងប្រកបអាជីពបន្ទាប់របស់ខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កាលពីខែមុននេះ ខ្សែការពារសញ្ជាតិ អេស្ប៉ាញ រូបនេះបានប្រកាសជាផ្លូវការថា គាត់នឹងចាកចេញពី Real Madrid នៅដំណាច់រដូវកាលនេះ បន្ទាប់ពីរួមរស់ជាមួយគ្នាអស់រយៈពេល ១៧ ឆ្នាំ ខណៈគោលដៅបន្ទាប់របស់គាត់នឹងផ្លាស់ប្តូរបទពិសោធន៍ថ្មីទៅលេងនៅទឹកដី អាមេរិក វិញម្តង។
ថ្មីៗនេះយោងតាមការចុះផ្សាយរបស់កាសែត អេស្ប៉ាញ Marca បានឱ្យដឹងថា ក្លិប Inter Miami បានបង្ហាញការចាប់អារម្មណ៍លើខ្សែការពាររូបនេះ បន្ទាប់រូបគេប្រកាសចាកចេញពីទឹកដី Santiago Bernabeu ខណៈប្រភពច្បាស់ការមួយទៀតបានរាយការណ៍ថា Nacho គេបានសម្រេចចិត្តរួចរាល់ហើយ ថាគោលដៅបន្ទាប់របស់រូបគេ គឺគេបានជ្រើសរើសលីគ MLS ដើម្បីបន្តអាជីពរបស់ខ្លួន៕
ប្រភព៖ Sportskeeda