កម្ពុជា៖ អ្នកប្រដាល់រហស្សនាមក្របីព្រៃពេជ្រ សម្បត្តិ បាននិយាយដោយមិនលាក់លាមកាលពីពេលថ្មីៗនេះថា តាំងពីខ្លួនប្រកួតមកគឺមានតែកីឡាករពីរនាក់គត់ ដែលខ្លួនទទួលស្គាល់ថាជាកីឡាករតាន់ និងធ្វើឱ្យខ្លួនពិបាកនៅលើសង្វៀន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![ពេជ្រ សម្បត្តិ និង WANG ZUNYANG](https://s9.kh1.co/__image/w=650,h=434,q=100/a4/a4d3abf480789b5a0b4ff27d3095001b8f5db8e2.jpg)
ជាការពិតណាស់ បើយើងនិយាយពីកីឡាករគុនខ្មែរបច្ចុប្បន្ន អ្នកណាក៏ទទួលស្គាល់ដែរ ថា សម្បត្តិ ជាកីឡាករដ៏ខ្លាំងក្លា និងជាកីឡាករដ៏តាន់បំផុតមិនធ្លាប់មានរបស់ កម្ពុជា ខណៈការប្រកួតក្នុងមួយរយៈចុងក្រោយនេះ អ្នកប្រដាល់កូនសិស្សរបស់លោកគ្រូពេជ្រ សុផាន់រូបនេះពុំសូវស្គាល់ភាពបរាជ័យនោះទេ ជាក់ស្តែងថ្មីៗនេះកាលពីថ្ងៃ អង្គារ៍ ទី ១៤ កន្លងទៅរូបគេទើបតែបានយកឈ្នះលើកីឡាករជើងខ្លាំងរបស់ ចិន WANG ZUNYANG នៅសង្វៀនរបស់ស្ថានីយទូរទស្សន៍ Town។
![ពេជ្រ សម្បត្តិ និង WANG ZUNYANG](https://s9.kh1.co/__image/w=650,h=434,q=100/e3/e396e5de26611839dac348a25fdf0f8bed9c4006.jpg)
យ៉ាងណាមិញ ក្រោយបញ្ចប់ការប្រកួតជាមួយកីឡាករ ចិនខាងលើ សម្បត្តិ បាននិយាយនៅក្នុងកិច្ចសម្ភាសន៍ថា គាត់មិនដែលជួបកីឡាករណាតាន់បែបនេះទេ ហើយគាត់បានបន្ថែមថានៅក្នុងការវត្តិនៃការវាយកន្លងមក ក្រៅពីអ្នកប្រដាល់ថៃសេកសាន់ គឺកីឡាករ ចិន WANG ZUNYANG រូបនេះហើយ ដែលខ្លួនទទួលស្គាល់ថាតាន់បំផុត។
![ពេជ្រ សម្បត្តិ និង សេកសាន់](https://s9.kh1.co/__image/w=650,h=401,q=100/54/545da5bbfd8cac09932bb59cbbf77dca9841414d.jpg)