កម្ពុជា៖ ទីបំផុតអ្វីដែលអ្នកគាំទ្រចង់ឃើងគឺបានមកដល់ហើយ ដោយអ្នកប្រដាល់ជួរមុខរបស់កម្ពុជា កីឡាកររហស្សនាមអ្នកពូថៅដៃពិឃាដធឿន ធារ៉ា នឹងចេញទៅប្រកួតនៅក្រៅប្រទេសក្នុងពេលឆាប់ៗ, នេះបើតាមការបង្ហើបដោយពីធីករប្រចាំស្ថានីយ័ទូរទស្សន៍ Town លោកជួប វុត្ថា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![រូបភាព](https://s9.kh1.co/__image/w=650,h=691,q=100/38/38ece7ee590e7e1b38ccc347de039ec7c907b900.png)
តាមរយៈដំណឹងខាងលើ គឺធឿន ធារ៉ា នឹងត្រូវចេញទៅប្រកួតនៅប្រទេស ជប៉ុន នៅដើមខែ សីហា ឆ្នាំ ២០២៤ ខាងមុខនេះ ហើយក្រៅពីនេះក៏មានកីឡាករលំដាប់ៗរបស់គុនខ្មែរយើងបីនាក់ផ្សេងទៀតដែរ រួមានក្របីព្រៃពេជ្រ សម្បត្តិ, ឈុត សេរីវ៉ាន់ថង និង អេ អាំម៉ារីនភូថង។
យ៉ាងណាមិញ បើតាមព័ត៌មានច្បាស់ការគឺ ពេជ្រ សម្បត្តិ, ឈុត សេរីវ៉ាន់ថង និង អេ អាំម៉ារីនភូថង នឹងត្រូវទៅប្រកួតនៅសង្វៀន Knock Out ដែលជាសង្វៀនដ៏ធំមួយប្រចាំប្រទេស ជប៉ុន នៅថ្ងៃទី ៤ ខែ សីហា ហើយសម្រាប់គូប្រកួតរបស់ពួកគេវិញ ក៏បានប្រកាសជាផ្លូវការហើយដែរ ក្នុងនោះវ៉ាន់ថង ត្រូវជួបជាមួយនឹងកីឡាករជប៉ុនអតីតដៃគូចាស់របស់ពេជ្រ សម្បត្តិគឺកីឡាករ Taimu Hisai រីឯអេ អាំម៉ារីន នឹងត្រូវជួបកីឡាករថៃ Dansiam និងពេជ្រ សម្បតិ ត្រូវជួបជាមួយម្ចាស់ផ្ទះជប៉ុន Komori Reiya។
![រូបភាព](https://s9.kh1.co/__image/w=650,h=813,q=100/f1/f1dc219e6a38c62a21846ce59d29670c71604a2a.png)
ចំណែកធឿន ធារ៉ា វិញ ដ្បិតមានការបញ្ជាក់ពី MC Vutha ថាគាត់នឹងចេញទៅប្រកួតនៅ ជប៉ុន ពិតមែន ប៉ុន្តែគិតត្រឹមពេលនេះគឺមានទាន់មានការបញ្ជាក់ផ្លូវការណាមួយ ថាគាត់នឹងត្រូវជួបកីឡាកររូបណា ឬត្រូវប្រកួតនៅសង្វៀនណានៅឡើយទេ ដូច្នេះយើងនឹងរង់ចាំមើលអំពីព័ត៌មានលម្អិតទាំងអស់គ្នា៕
![រូបភាព](https://s9.kh1.co/__image/w=650,h=650,q=100/7f/7ff5d681f6a415c3019b841649833b061b7f435c.png)