បរទេស៖ អតីតវីរបុរសក្លិប Arsenal លោក Emmanuel Petit បានទទូចចង់ឃើញ Rodrygo ផ្លាស់មកកាន់កីឡដ្ឋាន Emirates Stadium និង ជឿជាក់ថា រូបគេនឹងក្លាយជាតារាឆ្នលមប្រចាំក្រុម ប្រសិនបើរូបគេព្រមចូលរួមជាមួយក្រុមកាំភ្លើងធំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ចាប់តាំងពីចាកចេញពី Santos មកចូលរួមជាមួយ Real Madrid កាលពីឆ្នាំ ២០១៩ មក គឺ Rodrygo ទទួលបានជោគជ័យខ្លាំងមែនទែនក្នុងការឈ្នះពានរង្វាន់ធំៗដូចជា Champions League ២ដង La Liga ៣ដង និង ពានរង្វាន់ជាច្រើនផ្សេងៗទៀត ប៉ុន្តែ បើយើងនិយាយពីភាពល្បីល្បាញប្រចាំក្រុម គឺ រូបគេនៅក្រោម Vinicius, Jude Bellingham និង Kylian Mbappe នៅឡើយទេ ដូច្នេះវាអាចនឹងពិបាកបន្តិចប្រសិនបើរូបគេមានក្តីស្រមៃចង់ឈ្នះពានរង្វាន់បុគ្គលដូចជា Ballon d'Or ជាដើម។
ក្នុងនោះទាក់ទងនឹងរឿងខាងលើ លោក Petit បាននិយាយថា៖
Arsenal ត្រូវតែចុះហត្ថលេខាយក Rodrygo ពី Real Madrid។ សមត្ថភាពគាត់ត្រូវបានគេមើលរំលង និង នៅក្រោមស្រមោលរបស់ Vinicius និង Mbappe។ គាត់អាចនឹងក្លាយជា Superstar ប្រចាំ Arsenal គាត់អាចស៊ុតបញ្ចូលទី បញ្ជូនបាល់ និង មានថាមពលខ្លាំងនៅលើទីលាន៕
ប្រភព៖ metro
Bong I.T