បរទេស៖ ខ្សែប្រយុទ្ធរបស់ Al- Ittihad កីឡាករ Karim Benzema បាននិយាយដោយមិនលាក់លាម ថាបច្ចុប្បន្ននរណាជាកីឡាករល្អបំផុតនៅ Real Madrid រវាង Vinicius Jr. និង Kylian Mbappe។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ទាំង Vinicius Jr. និង Mbappe សុទ្ធតែជាសិស្សប្អូន និងជាអតីតមិត្តរួមក្រុមរបស់ Benzema ដោយ Vinicius ធ្លាប់លេងជាមួយគាត់នៅ Real Madrid ចំណែក Mbappe វិញ គឺធ្លាប់លេងជាមួយម្ចាស់ពាន Ballon d'Or រូបនេះនៅជម្រើសជាតិ បារាំង។
ទោះបីជាយ៉ាងណាក៏ដោយ Benzema ហាក់មិនមានការភ័យខ្លាចក្នុងការនិយាយថានរណាល្អបំផុតនៅ Real Madrid នោះទេ ក្នុងនោះគាត់បានលើកឡើងចំៗថា Vinicius គឺជាខ្សែប្រយុទ្ធស្លាបឆ្វេងល្អបំផុតនៅក្រុមអធិរាជសបច្ចុប្បន្ន និងនៅលើពិភពលោកយើងនេះ។
នៅក្នុងកិច្ចសម្ភាសន៍មួយកាលពីពេលថ្មីៗនេះ អតីតខ្សែប្រយុទ្ធ Real Madrid វ័យ ៣៦ ឆ្នាំបានថ្លែងប្រាប់ El Chiringuito យ៉ាងដូច្នេះថា៖
រង់ចាំមើលពីរបៀបដែលលោក Ancelotti ចាត់ចែង...។ គាត់នឹងមិនផ្លាស់ប្តូរ Vinicius ទៅកន្លែងផ្សេងនោះទេ ព្រោះថាគាត់ គឺជាខ្សែប្រយុទ្ធ ដែលល្អបំផុតក្នុងលោកនាពេលបច្ចុប្បន្ននៅក្នុងតំណែងនេះ។ Mbappe ត្រូវតែចេះសម្របខ្លួន ថាគាត់គឺលេខ "៩" ហើយសូមបំភ្លេចការលេងនៅតំណែងស្លាបឆ្វេងចោលទៅ៕
ប្រភព៖ Sportbible
Bong I.T