អេស្ប៉ាញ៖ គ្រូបង្វឹកក្លិប Real Madrid លោក Carlo Ancelotti បានដាច់ចិត្តទម្លាយពីកំហុសដ៏ធំមួយដែលគាត់ធ្លាប់សាងអំឡុងពេលលោកកាន់ការងារនៅកីឡដ្ឋាន Santiago Bernabeu។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បើយើងបកក្រោយបន្តិច គឺ លោក Ancelotti ធ្លាប់ទទួលបានការងារដឹកនាំ Real Madrid មួយលើករួចមកហើយ កាលពីឆ្នាំ ២០១៣ រហូតដល់ឆ្នាំ ២០១៥ ក៏សម្រេចចិត្តចែកផ្លូវគ្នា ទើបតែឆ្នាំ ២០២១ លោកក៏ទទួលបានឱកាសវិលត្រឡប់មកដឹកនាំក្រុមអធិរាជសជាថ្មី ខណៈ និយាយពីសមិទ្ធផលវិញ លោកបានជួយក្រុមឈ្នះពានរង្វាន់ដល់ទៅ ១៤គ្រឿង ក្នុងនោះមានពានរង្វាន់ Champions League ដល់ទៅ ៣គ្រឿង។
យ៉ាងណាមិញ ទាក់ទងនឹងរឿងខាងលើ លោក Ancelotti បាននិយាយថា៖
វាពិតជាមិនអាចទៅរួចទេក្នុងការសម្រេចចិត្តឲ្យបានត្រឹមត្រូវទាំងអស់ក្នុងរយៈពេល ៣០ឆ្នាំ។ ជាក់ស្តែង បន្ទាប់ពីមួយឆ្នាំដំបូងរបស់ខ្ញុំនៅ Real Madrid ឆ្នាំបន្ទាប់ វា ជាឆ្នាំដ៏អាក្រក់ ខ្ញុំខិតជិតនឹងបន្តកុងត្រាថ្មីទៅហើយ ក្លិបចង់រក្សាខ្ញុំ ប៉ុន្តេ ខ្ញុំទាមទារប្រាក់ពលកម្មខ្ពស់ពេក ដូច្នេះពួកគេក៏ដកខ្លួនវិញ។ វាជាកំហុសធំបំផុតដែលខ្ញុំធ្លាប់បានធ្វើ ប៉ុន្តែ វាជាមេរៀនសម្រាប់ខ្ញុំ៕
ប្រភព៖ metro
Bong I.T