អស់ទាស់! គ្រាប់ទី ១ Vinicius បញ្ជូនឱ្យ Mbappe ស៊ុតមួយគ្រាប់ល្អដូចផ្កា ខណៈ R.Madrid លត់ Pachuca ៣-០ លើកពាន FIFA Intercontinental(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ១៩ ខែ ធ្នូ ឆ្នាំ ២០២៤ នេះ ក្រុមអធិរាជស Real Madrid បានជួបតទល់គ្នាជាមួយក្រុម Pachuca របស់ប្រទេស ម៉ិកស៊ីក នៅកីឡដ្ឋាន Lusail Stadium ក្នុងវគ្គផ្តាច់ព្រ័ត្រនៃពានរង្វាន់ FIFA Intercontinental Cup។

ជាការពិតណាស់ នៅក្នុងការប្រកួតខាងលើខាងក្រុម Real Madrid គឺពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុម Pachuca ក្នុងលទ្ធផល ៣ ទល់នឹង ០។

ក្នុងនោះ ៣ គ្រាប់របស់ Real Madrid គឺរកបានដោយ Kylian Mbappe នៅនាទីទី ៣៧, Rodrygo នៅនាទីទី ៥៣ និងមួយគ្រាប់ទៀតរកបានដោយ Vinicius Jr. តាមរយៈបាល់ពិន័យ ១១ម៉ែត្រនៅនាទីទី ៨៤។

គួរបញ្ជាក់ថា ក្រោយជ័យជម្នះដ៏ធំធេងមួយនេះ បានធ្វើឱ្យ Real Madrid ក្លាយជាម្ចាស់ពាន FIFA Intercontinental Cup ជាផ្លូវការហើយ ដែលនេះគឺជាលើកដំបូងនៅក្នុងប្រវត្តិសាស្ត្រក្លិប។

សូមទស្សនាវីដេអូខាងក្រោម៖