កាចណាស់ហង្សឆ្នាំនេះ! Diaz, Gakpo, Salah, Arnold និង Jota ចាប់ដៃគ្នាស៊ុតម្នាក់មួយគ្រាប់ ជួយឱ្យ Liverpool លត់ West Ham ៥-០(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ៣០ ខែ ធ្នូ ឆ្នាំ ២០២៤ នេះ ក្រុមញញួរយក្ស West Ham United បានបើកទ្វាកីឡដ្ឋាន London របស់ខ្លួន ទទួលស្វាគមន៍ក្រុមភ្ញៀវ Liverpool នៅក្នុងការប្រកួតសប្តាហ៍ទី ១៩ នៃក្របខណ្ឌ Premier League។ 

ជាការពិតណាស់ នៅក្នុងការប្រកួតខាងលើ ខាងក្រុមភ្ញៀវ Liverpool ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះលើក្រុម West Ham ក្នុងលទ្ធផលយ៉ាងចាស់ដៃ ៥ ទល់នឹង ០។

ក្នុងនោះ ៥ គ្រាប់របស់ Liverpool គឺរកបានដោយ Luis Diaz នៅនាទីទី ៣០, Cody Gakpo នៅនាទីទី ៤០, Mohamed Salah នៅនាទីទី ៤៤, Trent Alexander-Arnold នៅនាទីទី ៥៤ និងគ្រាប់ចុងក្រោយរកបានដោយ Diogo Jota នៅនាទីទី ៨៤។

គួរបញ្ជាក់ថា Liverpool បច្ចុប្បន្នកំពុងឈរនៅកំពូលតារាងនៃតារាងចំណាត់ថ្នាក់ ក្រោយឆ្លងកាត់ ១៨ ប្រកួត ពួកគេឈ្នះ ១៤ ស្មើ ៣ និងចាញ់ ១ មាន ៤៥ ពិន្ទុ ចំណែក West Ham វិញ កំពុងឈរនៅលេខរៀងទី ១៣ មាន ២៣ ពិន្ទុ។

សូមទស្សនាវីដេអូខាងក្រោម៖