នៅតែមិនធម្មតា! គ្រាប់ទី ១ យប់មិញ Ronaldo ស៊ុតពីលើដំបូលទូកកាច់មុំស្អាតណាស់ ជួយឱ្យ Al-Nassr ឈ្នះ Al-Khaleej ៣-១(មានវីដេអូ)

បរទេស៖ នាយប់ថ្ងៃទី ២១ ខែ មករា ឆ្នាំ ២០២៥ ម្សិលមិញនេះ ក្រុម Al-Khaleej បានបើកទ្វាកីឡដ្ឋានរបស់ខ្លួនទទួលស្វាគមន៍ក្រុមភ្ញៀវ Al-Nassr នៅក្នុងការប្រកួតសប្តាហ៍ទី ១៦ នៃក្របខណ្ឌ Saudi Pro League របស់ អារ៉ាប៊ីសាអ៊ូឌីត។

ជាការពិតណាស់ នៅក្នុងការប្រកួតខាងលើ ខាងក្រុមភ្ញៀវ Al-Nassr ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុម Al-Khaleej ក្នុងលទ្ធផល ៣ ទល់នឹង ១។

ក្នុងនោះ ៣ គ្រាប់របស់ Al-Nassr គឺរកបានដោយ Cristiano Ronaldo ២ គ្រាប់ គឺនៅនាទីទី ៦៥ និង ៩០+៨ ចំណែក ១ គ្រាប់ទៀត គឺរកបានដោយកីឡាករ Sultan Al-Ghannam នៅនាទីទី ៨១។ ដោយឡែក ១ គ្រាប់របស់ Al-Khaleej គឺរកបានដោយកីឡាករ Kostas Fortounis នៅនាទីទី ៨០ (P)។

គួរបញ្ជាក់ថា Al-Nassr បច្ចុប្បន្នកំពុងឈរនៅលេខរៀងទី ៣ នៃក្របខណ្ឌ Saudi Pro League ដោយឆ្លងកាត់ ១៦ ប្រកួត ពួកគេឈ្នះ ៩ ស្មើ ៥ និងចាញ់ ២ មាន ៣២ ពិន្ទុ រីឯ Al-Khaleej វិញកំពុងឈរនៅលេខរៀងទី ៨ ក្រោយឆ្លងកាត់ ១៦ ប្រកួតដូចគ្នា ពួកគេឈ្នះ ៧ ស្មើ ២ និងចាញ់ ៧ មាន ២៣ ពិន្ទុ។

សូមទស្សនាវីដេអូខាងក្រោម៖