អីយ៉ាស់! Barca ជិតយកបាន កីឡាករកំពុងឡើងកូដម្នាក់នេះហើយ

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា ក្លិបអ្នកមានបុណ្យ Barcelona កាន់តែកៀកក្នុងការចុះហត្ថលេខាយកអ្នកចាំទី Joan Garcia ពីក្លិប Espanyol ហើយ។

Joan Garcia បានព្រមព្រៀងលក្ខខណ្ឌផ្ទាល់ខ្លួនក្នុងការផ្លាស់មកទឹកដី Camp Nou ហើយ ស្របពេលក្លិបនិងក្លិបកំពុងចរចាគ្នាដល់ដំណាក់កាលបញ្ចប់ហើយដែរ ដោយតម្លៃផ្ទេររបស់គេគឺខ្ទង់ ២៥លានអឺរ៉ូ (ស្មើនឹងប្រមាណ ២៨.៥លានដុល្លារ)។

Joan Garcia គឺជាអ្នកចាំទីដ៏លេចធ្លោមួយនៅអេស្ប៉ាញ ដោយក្នុងនោះ អ្នកចាំទីរបស់ Barca គឺ Wojciech Szczęsny ក៏បានប្រាប់ទៅក្លិបឲ្យទិញយក Joan Garcia ផងដែរ៕