ទីបំផុត! Man City យកបានតារាឆ្នើមជម្រើសជាតិបារាំងរូបនេះហើយ ក្នុងតម្លៃក្បែរ ៤០លាន

កីឡា៖ អ្នកកាសែត Fabrizio Romano បានចុះផ្សាយថា ពេលនេះក្លិបមេឃខៀវ Manchester City បានចុះកុងត្រាយកខ្សែបម្រើ Rayan Cherki ពីក្លិប Olympique Lyon ដោយជោគជ័យហើយ។

ក្នុងនោះ Cherki នឹងចុះកុងត្រាចំនួន៥ឆ្នាំស្នាក់នៅទឹកដី Etihad ខណៈដែល Lyon ទទួលបានប្រាក់ថ្លៃផ្ទេរកីឡាករសញ្ជាតិបារាំងរូបនេះចំនួន ៤០លានដុល្លារអាមេរិក។

លោក Pep Guardiola ចង់ឲ្យដំណើរការផ្ទេរកីឡាកររូបនេះប្រព្រឹត្តិឡើងដោយឆាប់ៗ ដោយចង់បានគេមកលេងឲ្យ Man City ទាន់ពេល Club World Cup តែម្ដង។

គួរបញ្ជាក់ផងដែរថា Rayan Cherki  ស៊ុតបញ្ចូលទីបាន១២គ្រាប់ក្នុងការបង្ហាញខ្លួនចំនួន៤៤ប្រកួតឲ្យក្លិប Lyon ខណៈដែល Paris Saint-Germain ក៏ធ្លាប់ចាប់អារម្មណ៍កីឡាកររូបនេះដែរ តែ Lyon មិនអនុញ្ញាតឲ្យគេចាកចេញនោះឡើយ៕